لبنات الجبيل من ولدت بمستشفى المانع ؟؟ ضروري

وينكم بنات الجبيل معقوووله مافي احد

هلا وغلا ياشيخه اهل الجبيل مالهم حس ولاخبر في المنتديات ناااااادر جدا ياما كتبت وبحثت عن مواضيع الردود تنعد ع الاصابع واوقات مافي ردود كمان حتى لقيت حساب استفسارات اهل الجبيل بالستقرام ولا حياة لمن تنادي .. المهم المانع انا اراجع فيها مع د . رضوانه ومره كويسه الله يسعدها ارتاح معاها اما الولاده فيها ماعرف كيف انا قبل سقطت عندهم وبصراحه الغرفه والحمام كل شي نظيف وتنومت يومين يجو يغيرو فرش السرير كامل وكانو مهتمين فيا كل بعد فتره تجي تطل عليا دكتوره ويعطوني حبوب مسكنه كل بعد فتره تجي السستر ومعاها الحبه الالم والعذاب الي اسمع عنه من الحريم عن التسقيط اللهم لك الحمد ماشاء الله ماحسيته حسيت بألم زي الدوره بس اقوى بشويه بس كلمة اه ماطلعت غير وقت الفحص من تحت اتالم شويه بس والله مو زي الي تقول شفت الموت وشفت العذاب او يمكن عشاني سقطت بالاسبوع السادس ماحسيت او الله اعلم الحريم يبالغو ولا المستشفى ريحتني بالمسكنات ماعرف كمان اعطوني تحاميل قالت عشان ينزل شوي شوي مو كله مره وحده ممكن يصير نزيف وفعلا كان الله يكرمك زي الدوره لين خلصت وعندي جهاز اي شي ابغاه اظغطه يجو بسرعه ويجو ناس يسالوني كيف الخدمه وتقيمي للمستشفى بس عيبهم مايخلو معايه مرافق بعد الساعه 8 اي احد معاكي يمشي وتجلسي لوحدك طول اليل مدري اذا الولاده نفس الشي او لا وبس هاذي تجربتي معاهم ودحين اراجع حملي معاهم بس الولاده بتكون بالمدينه عند اهلي ان شاء الله .. الله ييسرلك ويقومك بالسلامه😙

الله يجبر بخاطرك رديتي علي وانا ئيست احد يرد ... الله يرزقك خير يارب ..

السلام عليكم ورحمة الله وبركاته ..هـلـا والله انا ولدت بشهر 6 بمستشفى المانع الجبيل الحويلات التنويم بالحويلات (القديم) بس والعيادات الحويلات والفيحاء (الجديد) كمان وراجعت بالحويلات عند فرحانه ومن حضي ان دكتوره فرحانه طلع عندها اجازه اسبوع بموعد ولادتي بالضبط حولتني ع الدكتور عابدين المهم ويوم الولادة تعبت وفتح 10 طولت وما نزل الجنين و راْسه مال وحوضي ضيق شوي وحولوني عمليه دكتور عابدين سوالي العمليه والتنويم مرره ممتازين الممرضات مره طيوبات ومريح مرره وكويس من ناحيه النظافة وانا كان عندي مرافق بس دفع زوجي للمرافق وسعر الولاده ماعندي علم والله لأنو زوجي موظف أرامكو و الشركه دفعت بس زوجي دفع أبره الظهر قبل لا يحولوني عمليه طبعاً ولو عندك سؤال انا حاضره..

معليش 🙈🙈قلت لك قصة حياتي ما اعرف اختصر..