ارجو النصح من اصحاب الخبره او مستشارين

السلام عليكم

زوجي شاذ جنسياَ
في بداية زواجنا كنت اتجنن ليش ماينام معايا كان يقلي خايف على الجنين!!
ولدت الحمدلله ورزقني الله سبحانه بولد, الله يرزق كل محروم...
اثناء الولاده عانيت اسوء معامله وقسوه كان يطردني من البيت من اتفه سبب في مره دفني بقوه ومسكت نفسي عشان ما اطيح كانت نفسيتي سيئه ماكنت اكل نهائياَ كنت اقعد يومين واتذكر اني ما اكلت كنت اشتغل دوام من 9 الي 6 المغرب ما كان يقضي كنت اقضي وانا اشيل الأغراض بنفسي وهوا قاعد في البيت ومايشيل معايا ولا حتى قشه وامه كانت تبغاه يطلقني بسبب غيرتها كانت تكرهو فيه وتسويلنا مشاكل وتغار غيره مش طبيعي يعني معروفه غيرة الحموات بس هذه احسها غيره شيطانيه بلا رحمه ماهو موضوعنا... المهم 3 سنين وشهرين وما اشوفه ابداَ والله ثم والله ثم والله اني ما ابالغ والكلام مايخش العقل من قوته يصحى الساعه 7 يروح الشغل ويرجع البيت الساعه 1 او 2 ينام واحاول معاه انتو فاهمين يدفني ويهنني ويعورني انو انا تعبان وما ابغ انام, اتصل عليه في اليوم مرتين او شي أكون ابغ شي للولد او في شي ناقص قسم بالله ال السنتين و شهرين الي هيا عمر ولدي ماسمعت غير كلمتين انا مشغول مع السلامه والله ما ابالغ ويقفل السماعه في وجهي لدرجة في احد اصحابو مشي معا أبو شهر صاحبو يقلو انت تعامل مرتك بطريقه وحشه حتى صاحبو شاف بعينو المهم سافرنا وفي السفرة يغيب 4-5 ساعات ومايرد ويقلي رحت اسوي مساج !!! المهم هوا غالبأ يقعد في الحمام نص ساعه 45 دقيقه جوالو ما يخليني حتى المحو دايماَ صامت يشيلو معاه في كل مكان ما يخليه ابدددداَ لازم معاه يخليه و يقلبو على وحهو اذا حطو جمبو يعني ما يخلي الشاشه ظاهر طبعاَ الحمار او الاعمى حيفهم انه وراه مصيبه سوري اعذورني و سامحوني على الكلمه المهم في سفرتنا لقطت بالصدفه الرقم السري و قعدت اقرأ الواتس يومين على مافهمت انه شاذ ما كنت مستوعبه انه رخيص للدرجه دي ايش لقيت.....؟ لقيته متعرف على وحده من البنات الهشك بشك طبعاَ للاحترام ماراح أقول ايش اسمها لنتو عارفين ايش يسموهم ,و يبغاها تفعل فيه و يبغاها تهينه و تضربه و يقلها خلي زوجك او ولدك يفعل فيني و لقيت متعرف على فليبيني يبغا ينام معاه المهم انا صورت كل المحادثات فيديو وصورت محادثاته مع امه علشان اثبت انه جواله وانه الواتس حقه مو حق احد ثاني المهم خليت السفره تعدي و اثناء السفره يطالع في الحريم قدامي ولا كأني موجوده و الحرمه شايفه كيف انه ماعليه فيني فتصير تطالع هيا كمان فيه وانا موجوده بينهم شايله ولدي و اطالع فيهم الاثنين وما اقلكم على الإحساس الي جاني لكم حرية التخيل... طيب رجعنا من السفره وامسك جةالي والاقي محادثه جديد كله كلام جنسي و قررت اني اتطلق وخليته يطلع من البيت و ارسل اني عارف كل شي و ابغى اتطلق تخيلو الصدمه لمن قلتلو ليش تكلمه كلام جنسي وانا كافيتك انا موجوده ليش ماتسوي كده معايا الا يقلي هذا رجال ماهو حرمه سالته كيف اتعرفت عليه يقلي رقمني كنت في مطعم الفلاني طبعاَ كذاب اكيد هو الي رقمه بعدها صالحني و اداني من الكلا م الحلو مع هديه المهم بعدها صار يقعد في البيت و اول مره والله يا بنات والله يا ناس اول مره احس اني متزوجه وانه في عندي زوج استمر على كده 3 أسابيع والان بدأت الاجازه كل يوم يخرج ولا يرجع الا الفجر ورجع يخبي جواله اشترى جوال جديد مع انه جواله مافيه ولا شي و يكذب عليا يقلي صاحبي هداني إياه المهم الوضع رجع زي زمان بالضبط طبعاَ المره هذه بحرص اكثر. طيب كتير منكم حيقولوي اتطلقي اهااااااااااا هناااااااا أساس المشكله هنا المشكله حقتي طيب ايش المشكله اقلكم المشكله ان والدي اسمحولي اقلكم ابسط تعبير "والدي مجرم" من يوم انولدت الين عمري 25 وانا محبوسه في البيت والله ما ابالغ اذا خرجنا يسبب و يلعن و يهنني انا و امي و معصب على طول و الخرجه فيييييين يودينا صحراء في الليل نقعد على سجاده الين ظهورننا تتكسر ولا يرضى ناكل ايش شي ولا بسكوت ولا شيبس ولا حلى الين العشى الساعه 12 الليل و الحمام الله يعزكم مقرف و صعب و يخوف في الصحرا و ظلمه ومافي ولا مخلق المهم هذا المكان الوحيد الي اعرفه من يوم انولدت الين ماتزوجت ودايماّ يحقرنا و يهنني انا بالذات مع اني يعني قريب اخذت شهادة تفوق من الجامعه يقلي انتي ما بتدرسي في جامعه انتي بتدرسي في مقهى المهم انه يحقرني قد ماربنا يقدرو و اتذكر كان كل ما يشوفني يتفل في أي مكان الله يعزكم وانا صغيره يعني في بداية العشرينات طبعاَ القصد واضح المهم لمن اشتغلت يطالبني بالفلوس و يقلي تدفعي الاجار حق البيت و خذي قرض و اعطيني هوا و انا لي بصرف على نفسي و بصرف على امي و اخويا طبعاَ اخويا حاول الانتحار اكثر من مره وامي صارت مريضه نفسياً واختي برضو تحسي انه ماهي طبيعيه يعني ماتعتبر للاسره اهميه اهم شي مصلحتها و اخويا الثاني برضو جبان صار يخاف من كل شي ماهو رجال زي أي رجال لا غريب ماعرف كيف اوصفلكم وانا بحكم انه ابويا كده حابسنه و يعاملنا اسوء معامله كنت اتجنب الحديث مع البنات و في الشغل كنت دايمأ لوحدي لانو ماقدر اخرج معاهم ماعندي مواضيع أتكلم معاهم لاني محبوسه في البيت من يوم انولدت و يرسل امي تخش فجأه علينا في الشغل كأننا أطفال في مدرسه و يتصل على الشغل يقلهم انا اابوها ابغ اعرف عن الشغل حقها و ايش تسو مايسألنا احنا يعني ذاك اليوم اتمنيت أكون في حلم من الفشله و البنات صارو يتكلمو عليا وطلعو عليا سمعه اني مريضه نفسياَ و السمعه لاحقتني الين اليوم يعني الكلتم صارله 10 سنسن والين دحين اسمع وحده تقلي يقولو عليكي مريضه وفعلاَ مرة احد لي انتي عنك غباء اجتماعي و كلامه صح لاني محبوسه ولا عمري اجتمعت في بنات زي او كان عندي صديقه أتكلم معاه او حتى اختلط في المجتمع زي أي انسان والله يا بنات اني أخاف الله في السر قبل العلن واني اصلي وماحب اظلم احد انظلم و لا اظلم . المهم الزبده اني لا يمكن ارجع لابويا لا يمكن ارجع للعذاب وعلى فكره مره قلي انا حقتلك القتل البطيئ عشان كلمت من جواله ماكان يرضى طبعاَ يكون عندنا أي وسيلىةاتصال بالعالم الخارجي حتى تلفزيون مافيه في البيت . بنات رجاءَ لا احد يقلي اصبري انا صابره الين دحين اعطوني حل ارجوكم ارجوكم انا تعبت من الحياه اناتعبت لا زوج ولا اهل و لا اخوان رجال عندي ولا عندي أي احد ارجوكم اعطوني حل ارجوكم اعطوني حل شافي انا ما ابغ ارجع لابويا بس ايش اسوي مع زوجي عايشه وحيده في البيت يعطيني فلوس و لا عاد اشوفه حتى ولدي بدأت اعامله بقسوه و اضربو مع اني ضد الضرب تماماَ لاني عانيت منه مع ابويا بس شايله مسؤوليته لوحدي ارجوكم ارجوكم ساعدوني يا دكاترة النفسين يا أصحاب الخبره يلي مريتو بنفس تجربتي ولقيتو الحل اعطوني الحل ارجوكم انا اول مرة في حياتي اكتب في منتدى بس ماعندي احد استشيره ولا أصحاب ولا اخت ولا اخ ولا ام ولا احد طبعاَ في كلام كثير ومهم انا ماقلته عن امي عن معاملتي اختي السيئه لي وكلام كثير بس خلاص طولت عليكم ارجوكم ابغ احد يساعدني يحل الموضوع حقي انا عمري في العشرينات بس الي يشوفني يعطيني عمر اكبر بكثير من الهم الي انا فيه ارجوكم في انتظار ردودكم وسامحوني على الاطاله و اذا غلط في شي سامحوني