ضايقه فيني الدنيا .. احبك بس طلقتك .. اسف

السلام عليكم ورحمه الله وبركاته

الدنيا ضاااااااااااااايقه فيني وماني عارفه من وين ابدأ ... بنات الله يوفقكم ادعو لأختي عمرها 20 سنه لها سنه متزوجه زوجها قبل يومين ارسلها رساله قالها انا طلقت بالثلاث من غير اي سبب ولاهي عارفه ايش الي صار قبلها باسبوع قالها لمي اغراضك وروحي لااهلك ولاتكلمني ولاتتصلي علي انا متضايق ومهموم انا بعد اسبوعين اجيك ولمن بكيت قالها خلاص بعد اسبوع اجيك لكن لاتتصلي وان بغيتي شي ارسلي رساله ... المشكله انها ماتهنت معاه وهو يقول انه فيه ضيقه وكتمه من ايام الملكه حاول يكمل بس ماقدر ويقولها بالرساله ادعي ان ربي يعافيني ... اختي حالتها حااااااااااااااااااله .. واهله يقولولها اصبري احنا بنوديه شيخ اكيد هو معيون او مسحور .. والي يقهو ويضيق الصدر زياده انه ماعمل حساب لااحد حتى ابوي ماكلمه بس ارسل الرساله حقته وخلاص ولاابوه كلم ابوي وكان الموضوع لعب .. لو حيوانات ماسوه حركته هذي اختي لمن قريتها قامت من النوم وشافتها قامت انهارت وتبكي على بالها انه بيقولها انزلي وله مشتاق لك او شي زي كذا

وغير هذا وذاك من السنه كلها ماعاشت معاه الا اربع شهور والباقي عند اهلي يقولها بنأجر شقه قريبه ولمن يلاقي يقول اوكي بعد شهر تخلص ولمن يقرب الشهر يطلع بحجه ثانيه يعني احسه مايبغها عنده مااااااااااره وله في عروسه ماتجلس عند زوجها ولاعندها بيت اصلا لا وكمان من ثاني يوم زواج يجيبها تنام عند اهلي ... وفي شي كمان بس يقولها انحفي انحفي انحفي احتي وزنها 60 وطولها 160 ماادري وين يبغى يوصلها يقولها ابغاك زي ماريا .. وهي الله يهديها تسمع كلامه اوامرا عندها على طول طاعه تصير ماتتغدى الا خيار وتفاح ..ماني عارفه ايش تفسير هذا الحركات

وامي تقول لاء هو اختك ماجات على مزاجه هو يبغى وحده متوظفه وهو اصلا ماحبها والله احترنا مين نتصدق بس اختي ميته عليه وكل يوووووووووم تبكي كانه جاه خبر وفاته .. ادعولهم ان ربي يلم شملهم ويجعله يحبها يااااااااااااارب .. المشكله اختي ضعيفه وقلبها ضعيف ماتتحمل اخبار زي كذا .. ادري كلامي ملخبط بس والله من قهري على اختي

رجاء لااحد يدعي عليه اخاف يكون تعبان ونحنا نزود عليه

اسفه ضيقة صدوركم ..