يامرحبااااابج اختي في الامارات :)

الغالية بالنسبة لاماكن التمشية عندج العين روووعه.. وخاصة المبزرة.. فيها شاليهات ومكان حلوة للتخييم وحق العائلات.. وعندج بعد الفجيرة وخورفكان الجو فيها يجنن الحينه وفيها شاليهات حلوة .. وفيه الرخيص والغالي.. وحبيبتي الحينه وقت برد يعني مابتحصلين ناس على البحر وغيره..

وبالنسبة للتمشي في دبي والاماكن الحلوة الي فيها.. تقدرون تسيرون قرية البوم.. رحلة بحرية مع العشاء.. وفي نفسها في الشارجة.. عندكم حديقة وندرلاند والقرية العالمية.. حلوة حق التسوق وحق الوناسة.. وبعد تقدرون تسيرون المدينة الثلجية الي في مول الامارات الي في دبي رهيييب وحلو..

وبالانسبة للاسواق والمراكز التجارية.. في الرخيص وفيه الغالي.. يعني مركز المنال بضاعتهم حلوة ومعقول سعرها.. عندج مركز بو هيل الخليجيين دووم فيه.. مركز كامل بس للعبايات والشيل.. والاسعار تكون ارخص بواايد عن المحلات الثانية..
عندك سوق نايف وعكاظ للجلابيات والملابس الثانية واسعارهم وايد وايد معقولة.. وفي عجمان في منطقة اسمها منطقة المصانع.. يبيعون اشياء المحلات المعروفة مثل زارا ومانجو بنص الاسعار..

اممم هذا الي في بالي الحينه واذا تبين اي شي ثاني امري :)

ما شاء الله بنت دار زايد ما قصرت ربنا يجزاها كل خير

شوفي اختي الغاليه بالنسبة كيف نتمشى والله نضطر نطلع ونتمشى ما نقدر بعد نحرم نفسنا واهم شي غض البصر والمهم انه نحنا بداخلنا مو راضيين عن هالشيء
يعني هالشي غصب عنا موجود وما نقدر نسوي شيء

وما دام انتي ملتزمه وزوجك ملتزم فالحمد لله ما في خوف عليكم :)

والله يسهل لكم

مشكورين خواتي ماقصرتوا