أم الفهودي*** @am_alfhody
عضوة فعالة
اللي تبي ربح بدون رأس مال بس يكون عندها مواصلات
السلام عليكم ورحمة الله وبركاته بنات أنا بادية بمشروع والله من جد يكسب ذهب لكن من كثر الإقبال وارتباطي ماعاد اقدر لحالي عليه فاللي عندها استعداد تدخل معي طبعا ماقلت لكم المشروع مشروعي الطبخ البيتي وانا عندي بنات شاركوني طبعا انا اطبخ واجيب الاغراض من والى والبنات ياخذون الاكل ويبيعون بالمجمعات والمهرجانات والله يابنات ندخل ذهب وعندي مجموعه لكن الحمدلله صار فيه طلب واللي بتدخل معي اللي عليها فقط تجي تاخذ الاكل مني وتروح تبيعه ويكون معاها سياره والربح بينا بالنص يعني بيكون 50% وهي وشطارتها البنات اللي معي يدخلون يوميا بال500 والخميس والجمعه تزيد يعني بتكون يوميتك 250 الى 300 احسبيها في الشهر وهي الروحه تاخذ منهم 3 ساعات بس اللي عندها استعداد ومتفرغه واهم شي احد يوديها ويجيبها وتكون جاده يعني تبي الشغل ماهو يوم وتقول مااقدر تواصل معي ع الخاص والله يوفق الجميع
46
3K
يلزم عليك تسجيل الدخول أولًا لكتابة تعليق.
أم الفهودي***
•
طبعا انا اكون بالبيت لأن عندي طلبيات انفذها بالبيت ولاتستغربون مااحط دعايه بالمنتدى انا الحمدلله لي زباين وكثير وكل وحده تجيب الثانيه بالمنتديات كثير اللي حاطين اعلاناتهم ومايكون فيه مصداقيه من الكل والبنات بعديتخوفون من اللي مايعرفون لكن انا الحمدلله قانعه باللي معطيني ربي واتمنى اني اساعد وحده فعلا تكون محتاجه واكون وسعت عليها وربي يوسع علي برزقي لان البنات اللي معي والله كثير الحمدلله مااقول تفاخر ولارياء فاتحين بيوتهم على هالشغله والشغل لاعيب ولاحرام
ماشاء الله مشروعك مرررره روعه الله يبارك لك فيه ويزيدك من فضله يارب بس ماقلتي يالغلا انت من وين ودي اشترك معاك انا من الرياض
هلا والله ياحوحه انا من الرياض الخزامى الغربي والله يحييك اذا جاده وعندك مواصلات ارسلي لي رقمك ع الخاص ومن بكره تبدين والله يفتحها ع الجميع
الصفحة الأخيرة