ما اعرف ايش ناكل وايش نقضي

هههههههههههه ربي يسعدك حبيت اسلوبك

الله ينحفك من غير شر
ان شاالله البنات يفيدوك

نفس المشكله

طيب كل يوم سوي صنف غير المشكله قاعدة ادور حل وانا مثلك

يسرني ان اكون اول رد على الموضوع وفي المنتدى لاني جديده
بالنسبة للاطفال جنبيهم تماما اكل البقالات الاندومي لانها تسبب لهم فرط حركه وماتغذيهم حاولي تسوي لك صينية كيك وعصيرات طازجه بين الوجبات .فشار خذيه بالكيلو ذره طازجه انت سويه بالبيت. قدمي لهم بطاطس مقليه بيتيه طبعا
سلطة فواكه بأي عصير يحبوه انا اطفالي اقطع لهم الفواكه اللي يفضلوها واحط عليها ليمون وعصير مانجو
الفطيره ممتازة ومغذيه للصغار حاولي تجهزيها بكميه وقت فراغك وتفرميها نص فرمه وتحفظيها بالتلاجه ووقت الفطور بس اضيفي عليها السمن او الزبد وحمريها بالصاج وممكن تضيقي عليها لبن بجد مغذية ومنها تغيير لهم
وعني انا اعتمد في التنويع على منتدى عالم حواء بجد اكلات سهلة ورائعه
اتمنى اكون افدتك اختي

:confused: :hahaha:
هههههههه ماتبغي تغسلين قدور
شوفي الي انتي تشتهيه سويه وماشاءالله المنتدى مليان دوري وسجلي الاكله الي تحبيها وجيبي طلباتها وسويها
والاطفال سويلهم اكلات مغذيه حتى الحلويات مثلافطيرة التمر مره مفيده واقرأي اكثر في الفوائد الغذائيه وانتي ام بالفطره يهمك امرهم اكيد لاياكلون تسالي كثير لأنه يسد الشهيه ويشبع وخليه لهم مكافأه للي يخلص صحنه<<<<بس ماقلتي كم اعمارهم
وبالتوفيق بس المواعين غسليهم اول بأول لاتخلين ولاملعقه وحده بالمجلى وكذا بتتعودي وربي يسعدك:hahaha::hahaha:

اممم ..
أنا مره كنت ضعيفة وعندي فقر دم وعلى أساس أسوي عمليه بس منعني الدكتور عشان الضعف الي عندي وفقر الدم ونصحني بإني آكل إندومي شي غريب بس صراحة نفعتني يمكن تنفع مع عيالك ..


ومن ناحية كركبة المطبخ لا تستعجلي في الطبخ يعني خليكي هادية كذا جهزي كل شي قبل الطبخ وحطيه على الطاولة يعني قطعي مثلا الخضار أو الدجاجة وأهرسي البهار ووزعيه على صحون وعبي جك مويه وحضر الملعقة الي رح تحركي بيها وهذا كله قبل الطبخ عشان إذا جيتي تطبخي مايحتاج تتسرعي كذا وتتوترتي وبعدين غسلي مثلا السكينة الي قطعتي بيها وكل حاجة استخدمتيها مارح تلاقيها كثيرة أصلن والأكياس أرميها السلة ..

بعدين لما تجي تتطبخي رح تلاقي كلها جنبك بس تشيلي وتحطي مايحتاج تفتحي الدولاب ولا الثلاجة لأنك محضرة الأغراض من قبل ورح تستمتعي بالطبخ وبعد ما تنتهي ترجعي تغسلي الصحون وترجعي كل شي مكانه وبتلاقينها كمان قليلة وأهم شي عيالك لا يدخلوا معاكي المطبخ ..

وبالنسبة للأكل عادي إذا من النوع الي يفطر أهم شي يحتوي فطورك على الغذاء المفعم بالبروتين والكالسيوم يعني جبن أو بيض مسلوق وزي كذا يعني وخبز حب ويكون إفطار خفيف يعني .

والغداء خليه دسم يعني كبسة صينية زي كذا والعشاء يكون مثلا نواشف أو معلبات حواضر زي ما يقولوا ..

وموفقة ..