حتى تكون اللقيمات مقرمشه اقليها على مرحلتين
بمعنى اقليها اول مره بس طلعيها من الزيت قبل تصير ذهبى وبعد ماتبرد احمسيها مره ثانيه في نفس الزيت حتى تاخذ اللون المطلوب
جربي وادعيلى

هلا اختي

شوفي انا مثلك دخت السبع دوخات على ما ضبطت معي اللقيمات لابالشكل ولا الطعم
وأخيراً استقريت على طريقه سهله ولذيذه بس اول شئ بقولك على السر اللي يخلي اللقيمات مقرمشه ويضاف لأي طريقه ترغبين وهو النشاء ( لكل كاس دقيق ملعقه صغيره مليانه نشاء )

وطريقتي كالتالي :

كاس دقيق
ملعقه كبيره سكر
ملعقه صغيره مليانه خميره
نص ملعقه صغيره ملح
ملعقتين كبار حليب بودره
ملعقه صغيره مليانه نشاء
ثلاث ارباع الكاس مويه دافيه

تخلط المقادير مع بعض وتعجن واذا احتاجت ماء زيدي شوي واستمري بالعجن لمدة خمس دقايق ( مهمه فترة العجن من تجربه ) وخليها تخمر ساعه وحده كفايه واحياناً أخليها نص ساعه بس , وأبدي بالقلي وبعد ما تبرد سقيها شيره ولا تكون شيرتك خفيفه تخرب اللقيمات

لا والف لا السر بالقلي ياملي الزيت لازم جديد يعني مرتين بالكثير تحمينه وبعدين تقصرين عليه وتنتظرين شوي وبعدين تبدين تحطين وبعد شوي تزيدين النار شوي شوي وكل الطرق حلوة ............

مشكورين استفدنا تقريبا نفس الطرق

مرحبا
سلفتي تحط اللقيمات في الفرن
بعد القلي وقبل الشيره
الفرن حار
وبس دقيقتين او 3
عشان تقرمش
وبعدين تحطلها الشيره
وبالعافيه