الأ خت قويه وكسروها وكل البنات الي تعبانين بالشغل حياكم

السلام عليكم ورحمة الله وبركاته


انا عندي مداخله صغيرونه بخصوص موضوع اختي قويه


انا بيتي شقه خمس غرف وثلاث حمامات
وعندي بنوتتين 4 ونص و3 ونص
بالبدايه انا قريت موضوع الاخت قويه وكسروها وحسيت معاها حق في شوي من كلامها بس؟؟؟؟؟؟؟



يووووووووووووووووووووووووووووووووه انتم مره مكبرين المساله وبصراحه كنت مثلكم ماتخيل حياتي بدون شغاله وحده رايحه وحده جايه وبين ماتروح وحده وتجي التانيه مده اقلها يوم يومين اشيل هم السماء والارض
الين خلاص قرفت من الخادمات الاندنوسيات لاني ماكنت اجيب الا منهم مقرفات وطويلات لسان ومايقدرون النعمه الي هم فيها
الين جاء اليوم الموعود وشنيت حرب على اي خادمه اندنوسيه تدخل بيتي
بس بيني وبينكم من اول ماتزوجت وانا شغاله رايحه وشغاله جايه صعب اقطع وجودهم من البيت فجاءه فاخذت لي شغاله تكرونيه بدوام جزئي تجي
تنضف وتكنس وتمسح وتكوي وتمشي يعني يكون وجودها في البيت 4 الى5 ساعات
فقط وباقي اليوم مرتاحه من وجود الخدم
وطبعا الشغاله بدوام جزئي مش زي الي بدوام كامل يعني ماتنضف البيت كامل يوميا 100%100
فاكنت انا اشتغل باقي اليوم الين ماتعودت على الشغل شوي وبعد شهر كنسلت الشغاله بدوام جزئي وصرت اشتغل ببيتي بنفسي استعين بالله واسبح33 واحمد ربي 33 واكبر 34 وانام طبعا انا ماقول انه الشغل هين ويخلص بسرعه بس لازم عشان تنجزي اشغال البيت في وقت قياسي وتستمتعي بباقي اليوم مع اسرتك تملكين شيئين
اول شئ تكونين مقسمه ومرتبه الشغل
وثاني شئ يكون في تعاون اسري
يعني مثلا اطفالك علميهم مافي شي ينرمي عالارض اي ورقه او كيسة بسكوت يخلصو منها يحطوها بسلة المهملات و
هذي انا مكثره منها ببيتي سلات صغار بكل غرفه عشان مايتعيجزون يرمون الورق
اما الالعاب حقت الاطفال وااااااااااااااي تسوي حوسه كبيره علميهم اول مايخلصون لعب يلمونها بسله معينه اوكرتونه كبيره تكونين مخصصتها لها الشي
طبعا الاطفال ماهم ملائكه راح يسمعون الاكلام على طول عشان كذا شجعيهم وخذيهم بالكلام الحلو وسوي مفاجات وهدايا لاكثر واحد يهتم بالنضافه والي يزودها ويعند ومايرضى عاقبيه بطريقه تناسب عمره وابعدي كل البعد عن الضرب لانه مو وسيله تعليم وتاديب بلعكس وسيلة هدم وتدمير لنفسية طفلك
طبعا هالشي ماهو سهل ويحتاج مثابره منك لكن بعدين راح تحصلين ثمارها راح يتعاونون معاكي في البيت ثاني شي راح تربين جيل مهذب يهتم بالنضافه
الحمدلله تعبت بالبدايه مع بناتي لكن بعدين سارو متعاونات لدرجه كبيره الله يحفضهم بعد الأكل يلمون الصحون ويحطونها عالمجلى ويرتبون علب المويه داخل الثلاجه واذاكانت الوحده تشرب عصير او شي ونقط عالبورسلين على طول تاخذ كلينكس وتمسح الي انكب واذا غيرو ملابسهم يشيلونها ويحطونها بسلة الغسيل الله يخليهم ويسعدهم صح صغار بس احس شايلين حوستهم عني
وباقي شغل البيت احاول قد ماقدر ارتب نفسي في شي لازم ينعمل
يوميا مثل تنضيف صالة الجلوس وتنظيف المطبخ وترتيب غرفة النوم وهذي كلها تاخذ ساعه وحده بس
مجالس الضيوف وحمامات الضيوف ماتحتاج غير تنضيف مره بالاسبوع وغالبا يكون يوم الثلاثاء استعداد لاستقبال الضيوف
الحمامات الي نستخدمها يوميا ماتحتاج تنضيف عميق غير مرتين بالاسبوع ويوميا اذا في وسخ خفيف تكونين مجهزه رشاش داخلها ملعقتين العملاق الاخضر وغطايتين كلوركس وباقي العلبه عبيها مويه دافيه وهذي الطريقه شي عجب مريحه وفيها اختصار للوقت امسح فيه الوسخ الخفيف الي يكون بالمغسله وغطاية الكابنيه وكمان امسح فيها رخامة دولاب المطبخ وامسح فيه البوتوجاز من فوق
وامسح الثلاجه مع تبديل الفوط طبعا باختصار هالرشاش تنضيفه خطير وريحته رائعه وتوفيره مدهش
اما الملابس اغسل مرتين بالاسبوع و احاول في نفس اليوم اكوي وثياب زوجي واشمغته اخليه يكويها براوباقي الشغل كل يوم بعد ماخلص الاشياء اليوميه اخصص يوم بالاسبوع مثلا تنضيف عميق للفرن ويوم تنضيف عميق لثلاجه ويوم كمان تنضيف عميق لغرفة النوم وترتيب الدواليب واحاول تكون هذي كلها ببداية الاسبوع واختم يوم الثلاثاء قسم الضيوف بعدين اريح الربوع والخميس ياازور احد ولا احد يزورني ولا اخرج عاد اهم شي مايكون مافيه شغل عميق مجرد اشغال خفيفه

يابنات اهم شئ استعينو ا بالله والله يعينكم اذكري الله وانتي تشتغلي لاتحسسي نفسك بالكأبه بالعكس حسي انك بكل شغله تسوينها بالبيت راح تؤجرين عليها من رب العالمين لان خدمة المرأه ببيتها وتربيتها لابنائها وطاعتها لزوجها تعادل الجهاد في سبيل الله احتسبي كل تعب بتتعبينه ان الله راح يؤجرك عليه
واهم شي ياقويه لاتخلين الشغل هم فوق راسك هونيها يابنت الحلال وتهون والي ماتشتغلينه اليوم اشتغليه بكرا الحياه تخلص والشغل مايخلص

و ان شاء الله يكون موضوعي خفيف على قلوبكم

وهذ رابط للعظيمه والعظماء قليل حبيبتنا ومشرفتنا مزايا انسانه استفدت منه كثير واتمنى تستفيدون انتم بعد
http://forum.hawaaworld.com/showthread.php?t=190186