ليه انا فاشله بالطبخ مهما التزمت بالمقادير؟

اختي كل الاكلات تخترب عندج ولا بس اللقيمات؟؟

اذا بس اللقيمات .. جربي لقمة القاضي الي تجي في علب.. يبيعونها في السبرماركت او الجميعه..

واذا كانن بكل الاكلات .. حاولي تشترين ادوات القياس .. الملاعق القياس والاكواب..

وان شاء الله تكونين شاطره في الطبخ :cook:

مشكوووووووورة ياغزلان الصحاري على الرد والمؤازرة :(:26:

لا مو كل الأكلات بس اللقيمات بالعكس لما أسوي أكله على مزاجي يعني بدون مقادير وتكون مبتكرة من راسي الكل يسأل عن طريقتها ومكوناتها ... وإذا سويت المرقه ( وهذا نادراً طبعاً ) تطلع شي عجيب ويخلصوها للأخير حتى الشوربة اللي اسويها من ابتكاري تطلع مميزة بس مدري ليه فيه طبخات أفشل فيها مثل اللقيمات وأي شي يقلى بالدهن !! :( :cook:

ليه تدخلون على الموضوع وماتبدون رايكم؟؟ ماكانش العشم :17:

يمكن المشكله انك ماتقلبينها زين على النار حتى يتوحد لونها

وياكثر المواضيع اللي حاطينها البنات عن اللقيمات انتي بس اضغطي بحث واكتبي لقيمات وبتشوفين العجب :)

ممكن طريقة شوربتك المميزه؟

اتعرفين أحيانا تكون المشكلة إنج تلتزمين بالمقادير ... أنا اكتشفت إنه اذا التزمت بالمقادير 100% تفشل أي طبخة واذا غيرت اشوي تنجح...:26:

هلا ,,,بـنـت نـجـد,,,
شكرا للمرور الحلو :26:

بالنسبة للتقليب تطيح يدي وانا أقلّب بس نفس النتيجه لازم التباين باللون :(

أما عن شوربتي فهي بسيطة بس تطلع لذيذة صديقاتي عملوها نافسوا فيها طباخين بيوت أهالي أزواجهم :cook:

شوربة أروى المبتكرة: :27:

المقادير:

1- كيس شوربة ماجي بالشعرية

2- نصف كوب شوفان كويكر

3- كيس أندومي أي نوع

4- 3 جزرات مقشرة ومقطعة

5- بصلة واحدة مقشرة ومقطعة

6- كوبين إلى ثلاث أكواب ماء

7- حبة واحدة فلفل بارد أخضر

للتزيين والتذويق :

1- حبتين توست محمصات بالفرن او بجهاز التحميص إلى أن يصير لونهم بني فاتح وتقطعا إلى مربعات صغيرة .
2- بقدونس مفروم
3- ثوم مفروم (حسب الرغبة)
4-قليل من السماق

الطريقة:

تقلى البصلة بقليل من الزيت وتضاف باقي المقادير وتترك إلى يستوي الجزر وباقي المكونات

ثم نخلط الشوربة بالخلاط إلى أن تتمازج وأخيراً تسخن قبل التقديم ونضع الثوم والبقدونس المفروم عليها

وتوضع بأطباق الشوربة المخصصة ثم يزيّن الوجه بحبات التوست المحمصة ورشة من السماق وتقدم

وبالعاااااااااافية

إن شاءالله تعجبكم :26: