ياربي مستحيه...
مساء||صباح .. الخير
ابحاول اتشجّع واقول وش عندي <تكفين من زين السالفه اللحين
هذا الله يسلمكن .. من تزوجت كل مارحت لمكان اشوف شي يحزّ بخاطري واتعب نفسيا منه ..
تدرون وشو .................؟؟:angry2:
البنات الله يصلحهن وبعضهن موب صغيره واضح من شكلها .. الوحده تطاااااااالع لزوجي بكل وقاحه كنها تعرفه
لحظه لحظه لاتحسبونن كل هذا غيره على بدر الدجى >>:arb:
لاوالله
غيرتي على اعراض المسلمين ............ وهذآ آخر موقف لي وحصل البآرح
كنت اتقضى بمركز تجاري طلعت ولقيت قدامي زهور الريف .. قلت لزوجي ابدخل اشوف تخفيضاتهم على بال ماتحاسب ...
دخلت واخذت لي توووله (وترى تخفيضاتهم على عطورات قديمه وبعضها ريحتها :09:)
المهم نرجع لسالفتنا
اخذت توله بـ5ريال .. جيت بحاسب مالقيت ببوكي شي فتحسفت احاسب ببطاقتي عشان
5ريال .. رحت لزوجي لقيته طالع قلت ابي خمسه وجهه كذااا
قال وشو اللي بزهور الريف بـ5ريال بعذره استغفرالله الاسعار صايره فلكيه
قلت مسوين تخفيض تولات قال خلاص انا ابدخا واشوف لي كم توله بعد ودخلنا واعرفه الله يصلحه
من النوع اللي اذا جا يشتري يطووول يشم ويتنقى ويسأل المهم قلت اباخذ فرّه على المحل
على بال مايخلص .. وادور وادور وادور واطالعه وهو يسولف مع اللي يبيع ويضحك
وانا كذا>>:angry2:
المهم لهيت بالميك اب والوانه والف بشوفه خلّص الا ذيك البنتين وحده نحيفه بالحيل والله العظيم
انها لاصقه بظهر زوجي والثانيه جنبهآ
انا انهبلت من الجرأه وبمعنى اصح الوقاحه ...
قسم بالله مااتجرأ اوقف بجنب رجال وكيف هي اللي لاصقه لدرجة ان زوجي يوم بغى يحاسب
دخل يده بجيبه عشآن المحفظه دقها لانها بالحيل لاصقه فيه
انا طبعا جيت جنبه وهي ولاحسّت ولااهتمت<كيف بتحس وهي عديمة احساس وحيا
طبعا طلعنا ورحنا للسياره وحنا راجعين للبيت نسولف عادي جا طاري البنت
قال وش اللي ناشبه بزهور الريف قلت مدري انا لمحتها من بعيد وقربّت لك عشان تدري
زوجتك معآك .. قال هالاشكال قحـ............. يابنات ضاق صدري
لاني تخيلتها اختي وكيف الشباب راح يقولون عنها هالكلام .. حتى لو نحسن الظن بهالاشكال
مافيه مجال قال الفاروق عمربن الخطاب "رضي الله عنه"
من عَرّض نفسه للتهمة فلا يلُومَنَّ من أساء به الظن
فانا من هذا المنتدى الرائع اللي كلنا نحبه
اقول لكل بنت او امراه تكفين ياخيتي لاتحطين نفسكِ بهالمواقف لانكِ بتكونين بموقف سخيف
وبتعرّضين سمعتكِ وشرفكِ للكلام ..والبنت بلاشرف الموت ارحم لها
صحيح انا كاانثى اغار على زوجي .. بس والله ان غيرتي الاكبر عليكِ يااختي
مهما ناظركِ زوجي او اخوي او اي شاب واعجب بكِ فإنتِ بنظره ساقطه والله العظيم ساقطه
والرجال للاسف عيبه بجيبه صحيح انه محاسب عند الله زيه زيكِ لكن عند الناس محد بيلومه
بيقولون بنت وعرّضت نفسها له وتستاهل ماجاها .. والبنت عندها شرفها غااااالي لو خسرته
خلاص بتضيييييييييييييع ومحد بيرحمها
اسال الله لي ولكن الهدايه والثبات
وختاما لنستمر بمقاطعة كل تاجر جشع
