أهلين الغالية شهاليل تسلمين ياقلبي ومرورك نورنا.. والمضوع تحت امرتس ابد لو بغيتو اقلبوه تشاتنق كم شهاليل عندنا..



ام الحلوة لو انتس ماعبرتيناااااا بس ولايهمتس مرورتس برضو نورنا..بس لاعمرتس تعودينها:30: اقلها سلمي علي ثمن حاتسي الي تبين يابعدهم..



ام رنووووو هلا وغلا انورت واسفرت والمطافي فحطت<====مهيب تقعد مع بزران ابد..
وشلونك ياقلبي وش اخبارك....وحشاني خالس
شوفي يمكن هي سوت رجيم بس صديقتي تقول انو بنت اختها نحفت والتم جسمها بس على شغل هالفلبينية..واعرفهم موسوسات يعني يابعدها بياكلون حبوب حقت شرق اسيا لكن الي فهمته تو من صديقتي يوم دقيت عليها قالت انو هالفبينيه تشتغل عند ناس يعني مهيب تروح لاي احد الا بعد ما تاخذ الاذن من معزبتها وهي الان بتسافر مع معزبتها يعني لين اخر الصيفية بنحتري ونمسك سرى..<===اللحين نمسك سرى عند التميس ويوم جت ام الرشاقة ما نمسك عندها معصي
هي تقول لو تستمرين عندها مع رجيم بيكون المفعول رهيب ولا يجي الترهل الي بعد الرجيم..ويابلاش بمية ريال الجلسة..


ذكريات الامس حياك الله ياقلبي وطلتك البهية نورت الموضوع ....بس ليه كذا هيجتي الجروح المنسية انا سويت ماقصرت وماذخرت شئ علشان الاقي اسمي طيب الذكر(غادة الغيد) حتى اني سويت عرض للي بيلاقي اسمي جائزة فوريه زبيريتين كلهن يسار في كرتون مهوب لهن وما فاد قلت طيب يمكن يبون زود حطيت معهن تنكه كليجاء مبطيتن عندي برضو مافاد عقبها قلت يابنت شخللي يدك اسمتس ويستاهل الخساير.. واضفت للي سبق شبوك غسيل من ابو ريالين وطاسة قريض وشيلة منيخل بس الى الان لايزال البحث جاري..تهئ تهئ:icon33:

حبيباتي انا قلت فى الموضوع الاول انها بنت كانت معاى بالجامعه
وسوت المسااج وانا متخرجه لي 5 سنين
والسالفه قديمه يمكن قبل 7 سنين سوت البنت المساج
ووابشروا بحاول استعلم عن الموضوع (دامه انفتح ثاني)
ومالكم الا سعدكم

ايه ياشهاليل شهللي الموضوع يعطيك العافية>>>ارد عنتس ياأم زبيريات كل ذيك جايزة بعذر اسمتس مارجع

اقول غادة ذيك الحلوة الي بتوقعك هي صورة شغالتكم ولا منهي؟؟؟

ما عندي اي خبر 0000000000
بس الله يحقق لك كل ما تتمنين واولهم اسمك اللي ما تدرين هو شبعان ولا جوعان
الله يوسع صدرك مثل ما وسعتي صدري بالجوائز اللي تكلفتي فيها

ام رنووووو تمونين يابعدهم...
شكلتس قاعدتن تليوقين وتذيربين وتردين عني <====شاكة انها طمعتن في شيلة المنيخل

ابد ولايهمتس عندي لتس بقشتن رافعتها عقب ايام عرسي فيها روج ابو رابع وعشرين ساعة
وفيها معاضد باغه وفيها عباة من ام فجة وفجتين وعندي بنطرووون خط البلدة وعندي حزمتين ديرم وعندي جلال صلاة باقرة الجرذي مع الوسط.. وعندي حب قرع محموس
وعندي اقط هو صح محزر بس موب يموت...

<=====موب كنها تغايركم؟؟

شكلتس فرحتن بي صح بس ماالومتس بصراحة طحتي على ثروة متنقلة الله يحفظني
بس لاتخافين علي انا حريصة موزية كل الاشياء الي اخاف عليهم في القبو هما اذا حولتي من الدرج تيامني تلاقين عداد الكهرب همن عقبه دويليب صغير حديد حاطتن فيه كل الي اخاف عليه ولا احد يعرف مكانه صاير لي سيفتي بوكس<===يعني اللحين عقب هالوصف محد درى يالكمخه

وبعدين يابايخة وش قالوا لك عني غبية انا والا قروية والا كمخة لاسمح الله ..



كد شفتي احد يشغل عندة شغالة نوبنانية علشان تجين تفقين كشرتس عندي و يعنني ذكية وتسئليني بكل برود منهي هالحلوة الي في توقيعتس قطها شغالتكم؟؟!! الله مير يعافيتس ويشفيتس شكل عليتس قل صح..

بالعقل اصلن مافي حلوة غيري والدليل... يومني بزر كبرتس تقريبا كانو يعيروني بالحلقومة من حلوي وساعات يسموني يابرميت<==انواع الشلخ
خلي عنس الغيرة ادري انتس عارفتني بس تغيشمين علي.. وانتسانه صتدز ماعرفتيني ترى
هاذي انا الي في الصورة بس مصورتها اولت اللعام يومني عصلا كنت ايامها احب واعصوصلت...وانا جبتها لتوقيعي وحطيتها ابيها تكون دافع لكي اسيرو للامام.. واعصوصل..

ام فارس هلا ومسهلا الله مير يسلمتس على الدعوة الي من قلبتس الله يخلي لتس فارس واخونه الا مير ماتعرفين ام فارس الي اعرفها والله انها اجودية واحبها هل هي تقرب لكم انتسانها تقرب لكم سلمي عليها سلام تسثير وقولي لها اني الي هي انا احبها في الله وماعدها غير اختي..مرسوه على طلتك الحلوة