كوبونات الراقية تسجيل الدخول

نونا أم حمزة
نونا أم حمزة •
واعلم أخي المسلم أنك ان سألت عن بداية المسح ؟
فان بداية المسح تكون من أول مسحةٍ بعد حدث ، فلو لبست الجوربين على طهارة بعد صلاة العشاء مثلا ثم لما استيقظت لصلاة الفجر توضأت ومسحت عليهما فاعلم ان بداية المسح تكون من هذه المسحة ، ولك أن تمسح الى مثل هذا الوقت من الفجر لليوم التالي ان كنت مقيماً .

(( يعني يا جماعة امتى ابتدي احسب اليوم والليلة عشان دي الفترة اللي مسموحة ليا كمقيمة اني امسح على الشراب فيها .. وبعد ما يخلص اليوم ده بليلته المفروض اني اقلع الشراب واتوضى على رجلي ..؟؟
بنبتدي نحسبها من أول مسحة يا جماعة ..
يعني زي ما في المثال فوق ..
لو انا اتوضيت ولبست الشراب على طهارة
ونمت على طهارة عشان صلاة الفجر ..
دلوقتي في حاجة هنا حدث أصغر هينقض الوضوء
اللي هو ان انا نمت
صح؟
لما اقوم اتوضى عشان اصلي الفجر ..
هبتدي احسب من الفجر ده اللي انا مسحت عنده اول مسحة ..
اقدر اتوضى الضهر والعصر والمغرب والعشاء لحد الفجر بتاع تاني يوم على الشراب عادي ..
لكن من بعديها لا ..
اقلع الشراب واتوضى وبعدين البسه تاني .. وهكذا .. ))

.
.

(( يُتبَع ))
- أرجو عدم الرد حتى انتهي -
نونا أم حمزة
نونا أم حمزة •
ثم اعلم أخي الكريم
أن بعض الناس يغسل رجله اليمنى ثم يدخلها في الجورب ثم يغسل رجله اليسرى ثم يدخلها في الجورب الاخر وهذا أمر مرجوح لأنه في الحقيقة لم يتحقق لبسهما على طهارة
قال العلامة ابن باز رحمه الله 10/117 : وظاهر هذه الأحاديث الثلاثة وما جاء في معناها أنه لا يجوز للمسلم أن يمسح على الخفين إلا إذا كان قد لبسهما بعد كمال الطهارة ، والذي أدخل الخف أو الشراب برجله اليمنى قبل غسل رجله اليسرى لم تكمل طهارته .ا.هـ

(( يعني باختصار ..
ما ينفعش ابقى واقفة ماسكة الشراب وبتوضى
اول ما اغسل رجلي اليمين اقوم لابسة فردة الشراب اليمين ..
وبعدين اغسل رجلي الشمال اقوم لابسة فردة الشراب الشمال ..
ما ينفعش ..
ليه؟
لأن المفروض يا جماعة من شروط المسح على الخفين او الشراب اني البسهم على طهارة ..
طب ما هي الطهارة المقصود بيها هنا ايه؟
مش الوضوء؟
طيب انا لما لبست الشراب اليمين ..
انا مكنتش لسه خلصت وضوء ..
ولسه مكملتش الرجل الشمال ..

تمام كده؟
عشان دي نقطة مهمة أوي ناخد بالنا منها ..))

.
.

(( يُتبَع ))
- أرجو عدم الرد حتى انتهي -
نونا أم حمزة
نونا أم حمزة •
ومما يحسن بك أخي المسلم أن تعرفه
أن من مسح في سفر ثم أقام فانه يتم مسح مقيم ، وكذلك من مسح وهو مقيم ثم سافر فانه يتم مسح مسافر وهو الراجح من أقول أهل العلم .

(( يعني انا دلوقتي مسافرة ..
والمفروض ان المسافر ليه انه يمسح 3 ايام بلياليهم ..
طيب انا اقمت ..
يعني رجعت بلدي اهو وبقيت مقيمة ..
يبقى امسح زي المسافر ولا المقيم؟؟
يعني 3 ايام ولا يوم؟
لا .. زي المقيم ..
يوم بليلته ..

والعكس ..
لو انا مقيمة ..
ومسحت تبع المقيم اللي هو يوم بليلة ..
بعدين سافرت ..
مسحي هيكمل زي المقيم ولا المسافر ؟
لا .. زي المسافر ..
3 ايام بلياليهم ..

مفهومة دي ؟ ))

.
.

(( يُتبَع ))
- أرجو عدم الرد حتى انتهي -
نونا أم حمزة
نونا أم حمزة •
واذا شك شخص في ابتداء مدة المسح ووقته فانه يبني على اليقين
فمثلا لو شك هل مسح لصلاة الظهر أو لصلاة العصر فإنه يجعل ابتداء المدة من صلاة العصر لأن الأصل عدم المسح وهو بقاء ما كان على ما كان (مسح الخفين لابن عثيمين).

(( نقطة مهمة برضو ..
لو شكيت انا مسحت امتى ؟
في قاعدة فقهية إن الأصل الطهارة ..
ففي الحالة بتاعت المسح يبقى الأصل عدم المسح ..
يبقى لو شكيت انا مسحت للظهر ولا العصر ..
هعمل ابتداء مدة المسح من العصر ..
لو شكيت انا مسحت العصر ولا المغرب ..
هعمل ابتداء مدة المسح من المغرب ..

واضحة؟؟ ))

.
.

(( يُتبَع ))
- أرجو عدم الرد حتى انتهي -
نونا أم حمزة
نونا أم حمزة •
وإذا مسح على الحذاء (الكنادر)ثم خلعهما وأراد أن يتوضأ
فله أن يمسح على الشراب على القول الراجح ، كما أنه إذا مسح على الشراب ثم لبس عليها شراباً أخرى أو حذاءً ومسح على العليا فلا بأس به على القول الراجح ما دامت المدة باقية لكن تحسب المدة من المسح على الأول لا من المسح على الثاني .

(( بمعنى إن انا لو لابسة شراب وجزمة على طهارة ..
وحبيت اتوضى ..
هقلع الجزمة ..
وامسح على الشراب ..

طب افرضي بعديها لبست شراب تاني فوق الشراب الأولاني؟؟
امسح على مين؟
عادي امسحي على الشراب اللي انتي لسه لابساه اللي هو اللي فوق ..
بس مدة المسح تتحسب من اول مرة مسحتي على اول شراب لبستيه ..
مش التاني ..

مفهومة؟؟ ))

.
.

(( يُتبَع ))
- أرجو عدم الرد حتى انتهي -