اغراض شنطة المستشفى؟؟؟ .... نرجو الفزعة :)

الحمل والإنجاب

السلام عليكم :)


انا حامل بالاسبوع 35 .. ما ادري ابدأ من الحين بتجهيز الشنطة؟
ولا اعرف وش احط فيها؟؟
ايش الاغراض اللي لازم تكون معي بالمستشفى؟؟
ياليت تعلموني بالضبط وش اخذ وكم قطعة..
لاني بكريه.. وخايفة اتوهق وانسى اشياء مهمة..
علما بأني ابولد بمستشفى حكومي ان شاء الله..


ياليت تفيدوني بأهم الاشياء اللي اخذها لي وللبيبي؟؟

وان شاء الله بعد الولادة ابجلس عند اهلي 40 يوم..
فهل اجهز شنطة كبيرة فيها كل ملابسي واغراضي وارسلها لبيت اهلي؟؟



الله يوفقكم ويسعدكم ويهون عليكم :)
18
87K

هذا الموضوع مغلق.

جاية من قوقل
جاية من قوقل
يا عسل مرررررة متأخرة .. أنا جهزتها من زمان حتى لو بكرية و على بالك بتعوشرين .. ما تدرين وش الظروف

قبل كل شي شنطتك الكبيرة اي نعم جهزيها ألحييييين و أرسليها لأنك رايقة و ما بتنسين شي

عكس لما تجهزينها بسرعة بسرعة ..



عن نفسي حطيت بشنطة المستشفى :

بجاما قطنية + كلوتين أكبر من مقاسي بدرجة أو لو حبيتي كلوتات الاستخدام الواحد

و فوط للاحتياط مع إن المستشفى توفر لك كل شي ,, بس أحيان يطولون عليك أو يطنشون فاحتياطك معك

منشفة , أدوات نظافة ( معجون , فرشة , شامبو , مرايا , مشط , كريم يدين ... إلخخخ )

شبشب و شراب

ستيانة رضاعة + مرهم رضاعة + شال لراسي عشان بعد ما أتحمم


و ملابس طلعة للبيبي لأن طول ما هو عندهم لابس لبسهم ..

و بحط قبل ما اطلع المستشفى علبة تمر عشان لا جعت أكل قبل و بعد الولادة .. و هو مرة مفيد

و برضو عشاني راح " أحنّك " بنوتي .. و يفضل بالتمر على سنة رسولنا الكريم

مجهزة عباية نظيفة أوصي زوجي يجيبها قبل ما أطلع ..


( بنفس الوقت مجهزة بالبيت شنطة فيها كلللل عفش النفاس ملابس و أدوات لا قدر الله ولدت عملية معناه بطول بالمستشفى

فيكون أسهل على زوجي يجيب لي من الشنطة )


و يمكن ناسية شي ما قلته !! .. و تقومين بالسلامة ..
Najluna
Najluna
الله يقومك بالسلامة ،،،
اغراضك واغراض البيبي لبيت اهلك لازم تجهزينها من الآن ،، لان حتى لو نسيتي شي في المستشفى يقدرون اهلك يجبونه لك موب مثل الرجال يحوس الدنيا والغرض قدامه ولا يلاقيه ،،،
الافضل تجهزين شنطة حجمها مناسب واذا كنتي في غرفة لوحدك خذي لك شنطة ولطفلك شنطة واذا في غرفة مشتركة شنطة وحدة عشان ما تنزحمين في الدولاب ،،
اغراض الام :
1. قميص قطن للرضاعة
2. بجامة قطن للرضاعة
3. روب باكمام طويلة
4. فوط صحية كبيرة للنفاس (غالبا يوفرونها المسشتفى)
5. ستيانات الرضاعة + كلوتات للاستعمال الواحد (غالبا يوفرونها المستشفى)
6. صندل خفيف للغرفة + شراب
7. عباية نظيفة لان ممكن العباية اللي جيتي فيها للمسشتفى تتوسخ
9. معجون وفرشاة اسنان + فرشاة للشعر مع ربطة وكلبس + اشارب لشعرك ممكن تغطين راسك اذا كان المكيف بارد + كريم للجسم + مزيل العرق + عطرك
10. كتب الاذكار + شاحن الجوال + الكاميرا وتوابعها (اذا كان جوالك بدون كاميرا)
للطفل :
1. طقم الخروج من المسشتفى (اللبس + القبعة + كفوف اليدين + الملفة + المدس)
2. مسك ابيض او اي عطر خفيف تحبيه + بودرة الجسم
3. فرشاة الشعر الخفيفة
4. مناشف صغيرة للكتف
5. اذا ما تحبين ملابس المسشتفى على طفلك جيبي معاك غيارين كاملة وملفين لان كل ما ترجعينه الحضانة بيلبسونه من لبس الحضانة ويرجعون لك ملابسك.

هذا اللي في بالي حاليا وبنات عالم حواء ما حيقصرون معاك ان شاء الله
ليالي888
ليالي888
اذا مستشفي الملك خالد يوفر لك كل شي اما باقي المستشفيات الحكوميه لا خذي معك فوط صحيه وبامبرز ترا مايعطونك حتي لو البيبي موسخ يخلونه لين تجيبيبن انا مجربه اليمامه والله ماعطوني وحده جنبي الله يجزاه خير عطتني لين جاء زوجي وجاب معه لي وللمولود
$$شيهانة الخير$$
كتيّب حصن المسلم
ام مصعب الرويلي
من اليوم ارسلي شنطتك وشنطة البيبي لاهلك
اهم شي خوذي مشط ومزيل عرق وشامبو ومنشفه وبكله ومشبك
وشرابات وشبب لغرفه وكندره اذا طلعتي
واذا شعرك مو ناعم خوذي شباصات وبنس لان متقدري تستشوري
وعطر وفوط وملابس داخليه واهم شي كثري الكلوتات لانك بحاجتها
وخوذي 3 او 4 غيارات للبيبي و3 غيرات خارجيه لك
خوذي للبيبي لفات ومهادات وطاقيه مشان اذا طلع
وخوذي شنطه صغيره للبيبي حطي بها صحة مويه كبيره
ورضاعه صغيره مره هذي للمويه واكبر منها شوي للحليب
وبامبرز وحليب هذا اذا كنتي ناويه ترضعيه من الرضاعه
وخوذي فاين نسيت اسمه مشان اذا غيرتي للبيبي
وعبايه نظيفه ولفه ونقاب نظاف
وخوذي مكياجات خفيفه
هذا الي اعرفه
الله يسهل عليك ياااارب
عقبال مجهز شنطتي يااااارب