آمل ،،، حيااااتي }••

بسم الله الرحمن الرحيم

كل عام وانتم بخير بمناسبه عيد الفطر


،
حبيت اشاركم قصه عيالتني مع {امل حياتي }

ابتدي ،،،

امي كان صايبها عين وحالتها حاله وجايها مرض الواسواس
كانت تعبانه حيل فاخذها ابوي الله يرحمه لدكتور نفساني عشان تتعالج

امي بدأت تأخذ العلاجات والمصييييييبه مايدرون انها حامل

ولدت وجابت بنوته وكانت البنت عندها فتحه فالقلب وعين اليمين غير مكتمله النمو وجسمها صغير
حطوا البنوته بحضانه اعتقد لمده 15-30 يوم سوولها عمليه فالعين وهي توها مولوده بدون فايده

وألتأم قلبها مع الوقت سبحانه الخالق بدون عمليه

مره الايام والايام

وصار البنت اسمها (آمل )

مع الوقت امي اكتشفت ان البنت معاقه لانها كانت تظن بس مشكلتها فالعين والبنت طبيعيه
والحقيقه انها نصف دماغها تالف وعقلها وجسمها يشتغل بنصف الاخر فقط

بدأت امل تمشي بعمر 5 سنوات اعتقد

كبرت شوي وعلمناها ع الحمام بالله يكرمكم الله يرزق امي الجنه ع تعبها

امل ما تتكلم جمل واضحه تقول كلمات بس نحن نفهم عليها

طبع امل ،،،،

@حنوووونه ساهمت في تربيه اخوانها الصغار
@ تداري الصغار وتنتبه لهم
@ مبتسمه وجهها بشووووش ما شاء الله تبارك الرحمن
@ صارت حساسه اكثر فالسنين الماضيه
@كريمه ماتبخل لو عندها شي
@ والله ثم والله انها ذكيه عقلها الباقي يساوي عقل شخصين عاقلين ما شاء الله عليها
@ تفهم وش نريد اذا طلبنا منها شي شفهيا تفهم وتجيبه
@قوه ملاحظه اذا ضاع شي نسألها وتدلنا لو تعرف
@ راسها يابس << وراثه ههه
@ حبيبه البيت تلعب مع الصغار والكبار
@ ما شاء الله جسمها قوي مع انها قصيره
ع طاري جسمها اذكر لكم موقف
في يوم تعورت ووديناها المستشفى 7 رجال حاولوا يمسكوها عشان البنج اذكروا الله ربي عوضها

اللي تكرهه
@ تخاف من العرايس ونجهل السبب
@تخاف الاجهزه الاكترونه اللي لها صوت زي ماكينه كهربائيه ،، استشوار ،،ماكينه حلاقه
صرت اجبرها وبالقوه اني اسوي لها استشوار لا تقولون حراااام هي تفهم وعارفه بس خيفانه ومره بعد مره قل خوفها صحيح ما ترضى فالبدايه بس بعد دقايق تهدأ لاني ابيها حلوه زي كل البنات
@ما تحب الثياب مره مبهرجه بلمعات وحركات
@الاشياء الجديده اذا كان عندها ثوب اول نعال الله يكرمكم ماتقتنع تبدله بسهوله يبغالها وقت

تاريخ9/9/2012 ر بتصير امل 17 سنه ادعوا لها بالشفاء وان ربي يسخر لها من يرعاها حتى وفاتها

ادعوا لابوي بالمغفره والرحمه وكنات النعيم
ولامي اللي ماذاقت طعم الراحه ولا طابت إلى الحين