السلام عليكم ورحمة الله وبركاته
صندوق التنميه اعطى مهله للي مستحقين القروض سنه وحده بس تبتدي من --
وتنتهي في شهر عشره من السنه القادمه
اللحين لازم ندبر الارض ! وفي الرياض ! وبصراحه نااااااااار اسعار الاراضي حسبي الله ونعم الوكيل وكفى
يمكن الارض اللي مساحتها متر تصير ب الف او نقول الف
من وين نجيبها !
وشلون ندبر اعمارنا خلال سنه
مانقدر نقترض من البنك لان اصلا عليه دين من البنك هذا غير اقساط السياره
انا اللحين في هم مايعلمه الا ربي .. زوجي يقول اذا ماقدرت راح ننقل لقرية اهلي ! لان الاراضي رخييييصه
راح ابعد عن اهلي
وعن الخدمات
وانقطع عن الدنيا في هالقريه
هذا غير ان ناسها حساد وانتقاديين
وعايشه في خوف وهم .. صح جو القريه هادي ورايق .. بس كلهم عققققققد .. ينتقدونك على امور حياتك اليوميه العاديه
انا اشوف بعيني كيف زوجي يصير مرتبك اذا ركبت معه السياره واخذنا مشوار في القريه
السوق ممنوع
غطي عيونك تماااامااا
مايبغى احد يشوف ولده يخاف من العين
عيب اروح لحديقة القريه
عيب وعيب وعيب
الله يعين بس
شوركم يابنات
واللي تخبر فيلا دور واحد في الرياض .. تفيدني .. اهم شي بنائها شخصي .. موب من هالشركات اللي تلعب علينا بأي شي
يلزم عليك تسجيل الدخول أولًا لكتابة تعليق.
فرج الاستغفار
•
طيب. اشتروا بيت ورمموه. واسكنوه حنا ناوين كذا صراحه. العمار بالرياض كارثه
اسمنا نازل له سنة وللحين مافعلو القرض الاضافي كل شهر يقولون الشهر الجاي ومدري متى يتسهل امر البيت
الله يرزقنا وياكم
الله يرزقنا وياكم
الحل بسيط جدا اشتروا دور بتبوك او حائل او اي مدينه صغيرة واسكنوا بعيد عن القريه وزوجك ينقل عمل
الصفحة الأخيرة