بنات الامارات خصوصا ابغي استقيل وافتح مشروع ساعدوني

:)

السلام عليكم ورحمة الله وبركاته
خواتي ابغي نصيحتكن انا حاليا موظفه بس الاوضاع مب مستقره عندنا يعني في ضغط رهيب علينا وتفنيشات وتطفيش يمارس على المواطنين عشان كذا ابغي اامن نفسي واسوي لي مشروع صغير اربح من وراه
انا بتم في وظيفتي لين يمشي المشروع حتى لو كان بسيط وصغير المهم اني أأمن على الاقل ربح ما يقل عن 5000 درهم في الشهر ادري بتقولون طماعه بس انا تعودت على مستوى معين من اللبس والعيشه صعبه اغيره او اغير على عيالي مع العلم ان راتبي فوق العشر الاف درهم
انا ما بستقيل اللحين لين يوقف مشروعي على رجوله
ياريت اللي عندها فكرة مشروع او تكون من الامارات وخصوصا من العين وحابه تفيدني تقولي
وبالنسبه لاستفساري الثاني ابغي اعرف الطرق اللي اضمن اني ماينصب علي ؟؟ تراني ماعندي خبره فياريت الاخوات لو يساعدوني عشان اعرف ابتدي صح
يعني اذا فيه مشروع اقدر ابتدي فيه بمبلغ بسيط واستثمر فيه جزء من راتبي