مساء النور والسرور:)
بقولكم حادثة خطف حصلت لولدعم صديقتي وكيف لطف به الله سبحانه
الولدفي خامس ابتدائي او سادس والله نسيت المهم الولديوميآتفطره امه ويطلع عندالباب من ست الاربع
ينتظرالباص ويوم جاء الظهرتنتظره امه دقت على المدرسه قالوانه ماداوم وينهبلون ابوه واخوانه ويدورنه في كل مكان وعيال عمه كلهم يدورنه في الرياض في حيهم والاحياء اللي حولهم وبلغواالشرطه وامه حالهامايعلم به الاالله ولين الفجر وهم يدورون يوم جت الساعه خمس الصبح ويدقون عليهم الشرطه ويقولون روحو للمركز الفلاني ان فيه ولدلقاه رجال وجابه للمركز روحو شوفو يمكنه ولدكم ويروحون وصارولدهم وفي حاله تقطع القلب يصيح وملابسه كلهاتراب وحافي ويكلمونه مايرد عليهم وسألوالرجال وكان شاب ومطوع قال انه كان نايم في استراحة اهله لأن المنطقه كلها استراحات وفيها سوبرماركت ومسجدوهوصلى الفجر ودخل السوبرماركت ويقول كان مافيه الااناوالهندي حق البقاله واناادورفيه سمعت الهندي يقول انت ايش ابغى؟ ورحت اشوف وش السالفه ولقيت الولد يركض في السوبرماركت واضح انه خايف من شي وملابسه كلهاتراب وحافي قلت اكيدفي احد يلحقه ومسكته قلت له وش فيك صاح وتمسك فيني خذته وجبته للمركزوشكروه على موقفه جزاه الله خيروالحمدالله الولدسليم ماجاه شي بس انه مايتكلم من الروعه حسبي الله عليهم وجلس فتره على هالحال وهم مايدرون وش صارله وفجاه تكلم يقول انه جالس ينتظرالباص وجت سياره فيهااربع شباب وقفوا عنده ونزل اثنين سلموعليه وقالوله وش تنتظرقال الباص وهم يتكلمون ويقربون منه ويقول هو اني كنت صاك الباب والاكان دخلت يوم شفتهم يقربون مني وقالووين اخوك فلان قالت ماعندي اخوبهاالاسم وبسرعه صك واحدمنهم فمي وشالني وركبوني السياره وانطلقت السياره بسرعه وجلسنافي السياره لين الساعه ثلاث وقالوالحين تصيرالاستراحات فضت وقفوعنداستراحه ونزلووقف واحدعندبابي وكانو مقفلين السياره وقالوله نزله ويوم فتح البيبان سمع صوت باب ينفتح من الاستراحه اللي جنبهم التفت يناظرقمت انابسرعه فتحت باب الجهه الثانيه وانطلقت اركض وركض وراي ركضت لين دخلت في منطقه مظلمه يوم ناظرت مالقيته وراي و سمعت صوت الاذان وجلست اركض بين الاستراحات ولا لقيت المسجد واسمعهم يصلون وقي الاخير شفت بقاله من بعيد ورحت اركض لهاودخلت شفت الهندي وخفت مايصير فيهاالاهووجلست اركض في البقاله لين شفت المطوع ورحتله ويوم كلمني ماقدرت اتكلم وتمسكت فيه وخذني للشرطه...........
وهذي هي الحادثه بكل تفاصيلهاواحب اقولكم شي ان السالفه صايره من ست سنوات فمابالكم بوقتناالحين!!!!!!!!
والله الواحدصاريخاف على الولدزي البنت لأن هالمجرمين ماعاديفرق معهم ولدوألابنت المهم يشبعون رغباتهم الحيوانيه حسبي الله عليهم
ا
خوتي لاتنسون كل يوم استودعوابناكم لله الذي لاتضيع ودائعه
الله يحفظ عيالناوعيالكم وعيال المسلمين آجمعين000
أم نوره11 @am_norh11
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
مشكورة اختي على المشاركة