الله يسهل عليك وتم الحفلة على خير
ماشاء الله والله يعينك العدد كبير عندك مسابقات من دون اعداد اسئلة مثلا انك تقولي من تقول نكته حلوه تضحك الجميع
وعندك مسابقة الدقة تكون بين فريقين او شخصين بحيث وحده تدقق في وحده ثانية وبعدين تلف وجهها عنها وتسألي فرضا شنو لون الشباصه الي في شعرها شنو لون الخاتم وكذا وممكن تذكري شئ هيا مو لابسته فرضا شنو لون الساعة وهيا مو لابسه ساعة بتكون حركة حلوه ومضحكه....
وممكن تقولي مين تذكر خمس فوائد مفيدة للامهات
وعندك مسابقات ولا كلمة المعروفة في التفلزيون يعني حكمه او اسم مسلسل وحده تقوم تمثل من دون ماتتكلم والي تعرف لها جائزة
يعني عندك عددة مسابقات من دون اعداد لها وخلي الهدايا للامهات عبارة عن شمعدان او شرائط محاضرات يعني شئ رمزي
الضيافة للكبار قهوة حلوة الي باللوز وعندك صحون المعجنات والحلويات انواع واشكال
وممكن كمان اسكريم بتكون فكره حلوة في الجو الحار هذا حتى لو علب كوالتي ابو ريال
عندك ضيافة الفشار ومرررره عجبتني فكرة في احد المنتديات عن ضيافة الفشار للاطفال والكبار باشكال حلوووووووووه مره اكتبي في قوقل ضيافة الفشار وراح تشوفي الافكار
الاطفال ممكن كما ذكرت احدى الاخوات تشغليهم بالرسم والتلوين وممكن تخلي الكبار سن 13 يعملو مسابقات لصغار
والاطفال يحبو كثير لعبة كراسي ...وممكن تعطي مجموعه من الاطفال حدود خمسة او سته شبس او بسكوت ومين يغلق اول بكذا تكوني لعبتي مجموعه في وقت واحد.......... وعندك اللعبة الي على شكل لوح وبها اجزاء صغيرة يبغالها ترتيب اكيد فهمتي عليا اعطيها لكل اثنين او ثلاثة واختاري نوع صعب شويا علشان تشغلهم
التوزيعات للاطفال صح ممكن لعبة من ابو ريالين وكل مجموعه على حسب سنهم
وممكن تكتفي بسلة بها مجموعه من الحلويات منوعه وتوزعيها
او شبس من ابو نص مع عصير الي بنص وتلفيها مع بعض بشريط بتكون تكلفة اقل
وطبعا هدايال المسابقات راح تكون غير عن التوزيعات خليها لعبة ابو ريالين او دفتر تلاوين وللكبار شوي شباصات والاولاد عندك القلم الي يجي مع الميدالية او كورة روحي ابو ريالين وراح تلقي كل شئ
اتمنى اكون افدتك
الله يسهل عليك وتم الحفلة على خير
ماشاء الله والله يعينك العدد كبير عندك مسابقات من دون اعداد...
ان شاءالله اخواتي بيكونو موجودين ومومقصرين
ومشكورة عالرابط افادني كثير