السلام عليكم اخواتي الكريمات
حبيت اعرض عليكم مشكلتي انا مطلقه عمري 30 و عندي بنت عمرها 8 سنوات..تم الطلاق من 7 سنوات و كان اختياري انا اللي تركته لعدم التوافق..هذي خلفيه عني
كانو ايون يخطبوني بس كنت ارفض لاسباب عديده و اهمها خوفي من اعادة التجربه و خوفي ان اب البنت يطالب فيها لان عندنا في الامارات القوانين مختلفه بعض الشي يعني الحضانه ايضا ممكن تكون عند امي او عند اب البنت..خصوصا هو تزوج و ما اريدها تعيش عند زوجة اب و لا اريدها تعيش عند امي طالما انا موجوده..الحين بنتي كبرت ماشاء الله عليها و لها اختياراتها و احيانا بكيفها تروح عند ابوها و تظل اسبوع و انا ما عندي مشكله لانها تحبه و الحمدلله زوجة ابوها شكلها حرمه و النعم فيها و الله اعلم
من فتره قريبه شافني واحد في المول و لحق سيارتي و انا مروحه لين ما دخلت بيتنا طبعا انا ما كنت منتبه له..الاخ سأل عني و يريد يخطبني..الرجل هذا عيبه انه متزوج..و انا طوول عمري اقووول مستحيل اتزوج واحد متزوج و اخرب حياته و احرق قلب الاولى..و لكن استخرت و استخرت و استخرت و قلبي مرتاح
الريال في الثلاثينات يعني مب كبير و مقتدر و بيفتح لي بيت بروحي و ما عنده اي مشكله مع بنتي و شارني و متمسك فيني بطريقه غريبه..و سألت عنه في دوامه قالولي ريال و النعم فيه و هو اصلا مب مرتاح في زواجه من زمان هذا الكلام على ذمتهم ..مع ان عنده اطفال من الزوجه الاولى ..و لكن الله شاهد انه في كلامه ما ذمها بكلمه و لا قال عنها شي ابدا ابدا و لا ياب طاريها..و هو الرجال في عائلتهم كثير منهم متزوجين حرمتين..فاظن هالشي عادي عندهم ..خصوصا في الامارات من الجيل الجديد نادر جدا ان واحد يعدد
طبعا شروطي كانت الاشهار ان الزوجه الاولى لازم تعرف و وافق و شرطي الثاني اني اريد حفلة زواج ..لان غالبا لمطلقات في الامارات ما تسوي حفله كبيره مجرد عشا في البيت..و لمفاجأتي انه ايضا وافق..اشترطت العدل بطبيعة الحال
الحين و انا شبه موافقه مو باقي الا الكلمه الاخيره احس بتأنيب الضمير تجاه الزوجه الاولى..انا ما اريد اظل مطلقه باقي عمري..اهلي ما راح يبقولي طول العمر و العمر يروح و البنات عنسو فما هي فرصي انا في الزواج في حالتي هذي؟ اعرف ان هذا شرع الله و ان رب العالمين شرع التعدد رحمة منه..لكن اخاف من دعاويها اخاف من حقدها و انا الانسانه المسالمه اللي في حياتي ما ضريت حد ما ابغي ادخل في دوامة مشاكل مالها اول و لا ثاني
اخواتي شوروا علي انا محتاره و خايفه من الزوجه الاولى مع ان قلبي مرتاح من هالانسان ..
و ما كتبت موضوعي هنا في عالم حواء الا لاني اتابعكم من زمان و متأكده محد راح يفيدني غيركم
Pink Bunny @pink_bunny
عضوة جديدة
يلزم عليك تسجيل الدخول أولًا لكتابة تعليق.
سككار
•
حبيبتي ااذا ماخذك بيااااااخذ غيرك وانتي مالك دخل يعني ماظلمتيها هو الئ خاطبك
!!zozo!!
•
دامك استخرت وارتحتي يمكن جاكي العوض توكلي على الله واهم شي انك تخافين الله في زوجته الاولى وحاولي تكفينها اي شي ممكن يثيرها او يستفزها منك وعينيه على العدل وربنا يالف بينكم ويعطيكم على قد نيتكم..
ام شهد55
•
من رأيي انه لو مو مرتاح في زواجه ماكان جلسو مع بعض سنين وخلفو كمان اذا ما عنده سبب مقنع للزواج فتلاقيها نزوه ويرجع
ربما زعلان منها ويبغى يأدبها
فتأكدي من سبب زواجه مثلا مريضه مقعده او ماتت مثلا اما غير كذا فتلاقيه نزوه فلا تدخلي نفسك في مشاكل او تبني سعادتك على تعاست غيرك والافضل تتزوجي ارمل او مطلق حتى تضمنيانك تعيشي بسلام
ربما زعلان منها ويبغى يأدبها
فتأكدي من سبب زواجه مثلا مريضه مقعده او ماتت مثلا اما غير كذا فتلاقيه نزوه فلا تدخلي نفسك في مشاكل او تبني سعادتك على تعاست غيرك والافضل تتزوجي ارمل او مطلق حتى تضمنيانك تعيشي بسلام
الصفحة الأخيرة