ماشاء الله علينا درر في التوزيع والنقد طيب اين الخلل؟؟؟؟؟؟؟؟؟

انه


التطبيق الفعلي الجاد اتمنى ذلك

يعني نفتح موضوع بعد 6 اشهر هل طبقنا ووفرنا ولا لا؟؟

قولو أمييييييييييييين عسى الله يرزق أميرة القوافي رزقا طيبا مباركا لايعد ولايحصى ويرزقها البركة والصلاح لذريتها أمييييين

أكيد بتقولون ليه كل هالدعوات؟؟؟بقولكم لأنها الي ارسلت لي الرابط حق هالموضوع لما شافتني حايسة بين مواضيع الميزانيات


والموضوع رائع جدا جدا وبالنسبة لي انا مستلمة راتب زوجي كلة بس متى وافق يعطيني انا أوزع واصرف واتحمل المسئولية
؟؟؟ بعد ماصار ثلاثة ارباع الراتب ديون وأقساط وانا موظفة بس ماحبيت ادخل راتبي من ضمن الميزانية لأنه حق خاص لي انا الي اتعب وأشقى فيه صحيح انا أسفرهم وأعزمهم على مطاعم غالية وملاهي وأهديه في العيد والمناسبات الحلوة بس هاذي بكيفي

متى مابغيت تركتها بس اذا تقيدت مع زوجي بالميزانية معاد أقدر اترك شي بيصير الصرف كأنه واجب علي


وانا مطلعة من راتبي مبلغ جمعية ومبلغ مستقطع لولدي فديته هالسنه بيدرس راح أدرسة بمدرسة خاصة لأن اللأستثمار بالتعليم
لعيالنا ماراح يضيع ان شاء الله وراح ينفعهم بحياتهم وبنوتي الصغيرة فديتها بعد مسويه له استقطاع وعمرها سنتين
يخفف علي مصاريفها اذا درست أن شاء الله

وبعد مبلغ داخلة فيه بجمعية لحلوة اللبن فديت تراب رجولها تراحن مقصرين مع امهاتنا يابنات تعبو علينا في وقت أصعب من هالوقت بكثييير وجالوقت الي نحاول نعوضهم هالمبلغ اشتري فية اي حاجة اعرف ان أمي تبيها وخاطرها تشتريه أو أعطيها ياه بيدها طبعا ماعطيها ياه شهريا لا لأنها ماراح تستفيد منه زي أذا جاه مجموع صح ؟؟؟ والا انتو وشرايكم؟؟؟والباقي يطير بالهواء شلون مدري



ننتظر تجاربكم وتكفون الموضوع لا يوفق زي المواضيع الباقية نبية يستمر والله ينفعنا به ويجزاء صاحبته عنا خير الجزاء

بكل صراحة أفضل موضوع قريته في حياتي وليت الجميع يقراه
صحا بسببه كثير من المبذرات ودائماً المرأة هي المبذرة لأنه لاتشعر بمسؤلية وكأنها على الرجل فقط مع إن الحياة تعاون
أنا من رأيي إن الميزانية ربعها على الأقل على الزوجة في حالة زوجها غارق في الأقصاد مثل حال زوجي في هذه الحالة أنت المدبرة وعليك مسك زمام الأمور وتوزيع الميزانية وش رايكم ولا أنا غلطانة ؟؟؟؟
اتمنى الموضوع يستمر على الأقل لين نهاية الشهر القادم عشان نجرب الميزانية ونشوف عرفنا نوفر ونكتب تجربتنا وبالنسبة لي أول تجربة بس ننتظر الراتب ونجرب ولي عوده

مشكورة ياقلبي والله ان كلامك في الصميم وتقسيمك رائع جدا وهو مقارب لميزانية عائلتي لكن مو هذا الراتب الحقيقي هذا اللي يبقى بعد الاقساط والديون وبعد راتب السواق والشغالة ويبقى اكثر بعد وما شاءالله والحمدلله الخير كثير ... لكن مافيه تدبير ابدا ..

الان احاول ابدا بداية جديدة واللي سويته من اليوم اخذت ورقة وقلم وبدات اكتب مشترياتي اليوم ..
واكتشفت ان المبالغ الصغيرة اللي مستحقرتها هي اللي تاكل مصروفي من غير ما احس

ابقولك وش اشتريت اليوم .. رحت للتموينات واخذت عصاير وشوربات وكبة مفرزنة اشتريتهم ب52 ريال

مريت الصيدلية معجون اسنان وحليب ولهايات للبيبي 58 ريال

عشاء من المطعم 32 ريال

يوم كتبتهم وجمعتهم طلع 132 ريال مع ان هذي المصروفات المفروض كلها على مصروف البيت مو من مصروفي الخاص

ابستمر على كتابة المصروفات علشان اشوف لي حل مع المصروفات

ومرة ثانية اشكرك انت وصاحبة الموضوع فعلا فتحتوا عيوني على مصروفاتي .. الله يجعله في موازين اعمالكم ولا بحرمكم الاجر .

اطالب المشرفات بتثبيت الموضوع علشان الكل يستفيد