dana_32 :

قبل ما احكي اي شي كلمة السر لحتى تنجحي بخسارة الوزن هي : حبي حالك حبي نفسك اكتر من اي شي بالدنيا, ولما تحبي نفسك رح تحبي الخير الها دايما ورح تحبي تكوني الافضل والاحسن بعيون حالك مش بعيون الناس وكرمال الناس!!! لا تقوليلي المعلمات ولا تقوليلي صديقاتي ولا طلعة ولاعزيمة هادي اسباب لو راحت بروح الحافز, خلي حافزك يكون حبك لحالك... طبعا انا ما قصدي الانانية لكن تعلمت من الحياة انه قليل من الانانية ما بضر حدا... نيجي للمهم 17 سنة والزيادة عندك اقل من 20 كيلو انت عارفة يعني حالتك من الحالات البسيطة بإذن الله كل المطلوب منك الحرمان والريجيمات القاسية ابعدي عنها بعد السما عن الارض, هادي بتضرك اكتر ما بتفيدك.. كونك لسا بالمدرسة قدامك سنة لحتى تنزلي وزن وتدخلي الجامعة باحلى شكل. بلشي بالاكل الصحي وابعدي عن النقاريش متل الشيبس والبسكوت والشوكولا والعصير, لو شفتي هالخطوة صعبة ابدايها بالتدريج. بلشي رياضة بالتدريج كمان الصبح قبل ما تروحي على المدرسة اصحي ابكر بنص ساعة واعملي تمارين للجسم متنوعة وطلعيها من النت. وبعد ما تروحي من المدرسة حاولي امشي لو حتى نص ساعة 3 مرات بالاسبوع. الاكل المتاخر ابعدي عنه, نظمي وجباتك وركزي على الخضار والبروتين وحصة نشويات معقولة وشوفي كيف رح تنزلي بدون حرمان ولاشي. ولو انعزمتي بتاكلي عادي قدام الناس ولا كانك عاملة دايت... بالتوفيق

قبل ما احكي اي شي كلمة السر لحتى تنجحي بخسارة الوزن هي : حبي حالك حبي نفسك اكتر من اي شي...