ابنتي ذات العشر سنوات والدوره الدمويه تعالوا شوفوا

صباح الخير
أمس اول ماوصلت بنتي من المدرسه ( وبصراحه أنا معودتها تحكي لي كل حاجه )

المهم بعد مابدلت ملابسها جات لي تقولي ابغى اسألك سؤال لكن لاتعصبي لاني مو انا

اللي قلته صاحباتي هم اللي جالسين اليوم يتكلموا عن موضوع ويضحكوا وانا ماني

عارفه شي

قلت لها لا حبيبتي قولي وش ذا الموضوع ؟

قالت : اليوم فلانه من صاحباتها ( والله ناسيه انا اسمها ) في حصة القران ماتمسك

القران ولما خلصت الحصه جلست هي والبنات يضحكوا ويقولون لها انتي معاك

الدوره الدمويه وقالت ايوه ..........وطول اليوم وهم يضحكوا

الله يخليك ياماما وش هي الدوره الدمويه ؟أنا لما سألت البنات قالوا اذاجات الدوره

الدمويه للبنت ماتقرأ القران!!!!!!!!!!!!!!!

والله اتهلكت من الضحك لكن في الاخير حاولت افهمها بصوره مبسطه علما انا ابنتي

بالصف الرابع والله من قبل كنت مو متخيله انه في هذا السن يمكن تبلغ الفتاه

وتعجبت من زميلتها بالصف اللي ماشاء الله عليهم فاهمين وهالكين من الضحك

وبنتي ياعيني تفكررررررررها الدوره الدمويه اللي أخذوها بالعلوم

لكن السؤال عزيزاتي من متى تبدأي تعلمي بنتك على هذي الامور وغيرها وكيف

تنبهينها عن التغيرات اللي راح تصير بجسمها والله من يومها وانا شايله همها