شرايكم بقراري اللي اتخذته على دخول هالشهر الكريم

السلام عليكم

الشهر مبارك

معليش الموضوع طويل لكن اتمنى كل وحده بنفس حالتي تستفيد منه

قررت اني اعتبر زوجي من اليوم ورايح شريك معي بالبيت لا اكثر ولا اقل ماله غير حقوقه عند رب العالمين

والسبب يا بنات اني تعبت وراح عمري وانا احاول

كنت اتمنى لو انه يجلس معنا بالبيت ويترك الاستراحات لو على الاقل يخلي لنا يوم بالاسبوع بدون فايده
كنت ابيه يشوف بيته وعياله ويقوم بمسؤولياته بدون فايده
كنت ابيه يبطل خيانه وقلة حيا ومسخره بدون فايده

حاولت في كللللللللللللللل شي

مافيه شي قرات عنه او سمعت عنه الا وطبقته ... في اللبس والجنس وطريقة التعامل والكلام والدلال والطبخ .. مساجات وليالي رومنسيه وحجز بفنادق وحجز سفرات ورسايل ومكالمات وووووو ..... مافيه اختبار شخصيه الا جربته فيه شمالي وجنوبي وسمعي وبصري وكلللللللللل شي ... افتش وراه بدون ما يدري واسوي خطط عشان اكتشفه واذا اكتشفته ضاق صدري وتعبت ومافيه شي يتغير ...12 سنه وانا ابيه يصير شخص ثاني لكن للاسف

اكتشفت اني غلطانه

هو هو ما راح يتغير وحتى لو تغير فهي مجرد مجامله يومين ويرجع لحالته

فكرت بدال ما اغيره اغير نفسي .. ليش انا اركض وراه ؟؟ ليش هالكه نفسي ؟؟ ضاع شبابي وضاع عمري اجري ابي اغير انسان ما ادري ممكن افقده في اي لحظه او يروح عمري انا في اي لحظه

من فتره صليت لي ركعتين وطلبت من ربي يلهمني وما يجعل زوجي اكبر همي ومن بعدها سبحان الله صرت اشوفه زي اي واحد بالشارع معد فيه ذيك المشاعر الجياشه وذاك الهبال والغيره .... الحمد لله يارب

ارتحت كثير يا بنات ... اطبخ الغدا واحطه مافيه تكلف ولا مبالغات وترتيب وحركات وهو شخصيته ينتقد كل شي ..اخليه ينتقد وما ارد عليه وما اخلي انتقاداته تؤثر فيني ... انا سويت اللي علي .. لأني حاولت في كل مره ينتقدني فيها اعدل واعدل واعدل 12 سنه وما وصلت للي يبيه اكتشفت ان المشكله فيه ... اذا خلصنا اضف غداي واروح مع عيالي العب معهم اقرا لهم قصص اسرح شعر بنتي الهي نفسي .. واذا طلع لربعه والا غيره بسلامته اطلع ان وعيالي مع اختي او نجلس بالبيت ونستغل الوقت بشي مفيد ما اتصل فيه ولا اقول وينك ولا متى بتجي حتى هو لاحظ ..
واذا جا بالليل اكون نظيفه وبس مافيه مبالغه ولا قمصان مبتكره ولا شي بجامتي وبس
واذا طلب مني اي طلب اشوف انا اقدر اسويه بدون كلفه علي سويته واذا ما اقدر قلت له لا اسفه ما اقدر
لانه كان من النوع الاستغلالي مررررررره مستغلني لأمه وخواته واصدقائه وله يعني مثلا اطبخي لأختي واكتبي بحث لبنت اخوي غسلي سيارتي ... الخ الخ صرت اقول له لا ...وبدون تانيب ضمير


والحين الحمدلله احسسسسسسسسسس براحه كبيره الله يديمها علي