اشياء

اشياء @ashyaaa

عضوة فعالة

زوجي يقولي ي النفسيه  

الأسرة والمجتمع

السلام عليكم صياما مقبولا وافطارا شهيا.             بكلمكم عن نفسي شوي عمري 24 متزوجه عشت طفولتي هاديه خجوله خايفه كل شي اسويه بامر امي مستحيل اسوي شي بدون مااقولها كنت انضرب بالخيزرانه لو رفعت صوت تلفزيون كانت تضربني ضرب لحد مايحمر جلدي واخوي الولد المدلل عندها طفولتي اغلبها ضرب وربي كانت تضرب راسي بالجدار واليوم الثاني توديني المستشفئ امي طيبه لاكنها شديده معي مره لاني بنت كانت تحذرني الف مره قبل انزل لعمامي ان سالوك عن شي قولي ماادري كنت اروح واشوف البنات متجمعات عندهم واجلس بالزاويه ساكته ماانطق ولا حرف كبرت وصرت انطوائيه خجوله مااعرف اقول كلممتين ع بعض صديقتي مااقدر اقول لها شي حتئ بروح السوق قدام امي تزورني صديقتي بالبيت مااتكلم ولاكلمه اذا كانت امي موجوده حتئ صديقتي مستغربه تزوجت من فتره قريبه وزوجي يناديني بالنفسيه وكثير يجرحني بكلامه دايك يقول انتي ماتعرفين تتصرفين ولاتعرفين تسولفين ماعندك سالفه من تزوجنا ماعمرك فتحتي معاي موضوع تمنيت اني ماتزوجت احس اني ضايعه احساسي بالنقص هو اللي معقدني مااعرف اتصرف مااعرف اسوي شي ثقتي بنفسي مهزوزه مااعرف استقبل احد في بيتي ولاازور احد ادور اي حجه علشان مااطلع واشوف الناس حتئ الجوال استحي اكلم احد قدام زوجي او اهلي شخصيتي مهزوزه وهذا سبب تعاستي اشياء كثيره مااقدر اقولها مجرد فضفضه  
24
10K

يلزم عليك تسجيل الدخول أولًا لكتابة تعليق.

تسجيل دخول

تحفة
تحفة
حبيبتي أنت عارفية مشكلتك وسببها ..
تقدرين تعالجينها بنفسك .. والحمد لله أنت عندك نت وقادرة تقرأين .. ادخلي المواقع النفسية ومواقع تطوير الذات
وأي مشكلة تعانين منها ابحثي فيها وعن طريق علاجها سلوكيا .. صدقيني الأمر مو صعب المهم الرغبة الصادقة في الحل .
متجر هاجر
متجر هاجر
أقري كتب ثقفي نفسك شوفي لك صديقات حتى لو اخوات زوج احد قريب .. الحين صرتي كيان مستقل وتقدري تعزمي صديقاتك في بيتك تقدري تاخذي راحتك اقري كتب ثقفي نفسك سجلي جامعه او معهد تختلطي بالناس شوي ادخلي نت اكتبي مواضيع تناقشي مع البنات هنا في عالم حواء .. انوي وابدأي وخليك إجتماعيه شوي .. والله يسهل امورك يا رب :)
فيافي1118
فيافي1118
ي كثر مانسمع من الكلمات البذىيه اللي تحطم وخاصه من اقرب الناس


فخليك قويه ومطنشه وقولي بنفسك انا وش ناقصني انااحسن منهم لي عقل وبصحتي وعافيتي

وليه اخاف وليه اتردد خلي خوفك لربك وبس ام البشر مجرد ناس مثلك وانتي مو اقل منهم بشي

غيري طريقتك مع زوجك خليه يحسب لك الف حساب دلعي نفسك ابحثي بالنت عن المواضيع اللي تهمك ومحتاجتها

اطلعي للمولات اتمشي اشتري انا داىما اطلع لوحدي اذا مالقيت احد يطلع معي اروح اتسوق واستمتع بوقتي

اطلبي من مطعم وجبتك المفضله وخلي زوجك يجيبها عوديه ان لك خصوصيات واشياء تحبينها اكله مفضله لونك المفضل اشياء تحبينها

اعزني امك ام زوجك او جارتك او صديقتك سولفي وسولفي وسولفي لين تملين ولاتقولين مااعرف اتملم ومدري شنو

حتى الاطفال يعرفون يتكلمون بس انتي حطيتها براسك انك معقده وانطواىيه عشان امك وماتسويه فيك

كلنا امهاتنا كانو يطقوننا ويحذروننا وووووو بس الحمدلله ثقتنا ماانهزت كان كلن صار انطوائي اذا ضرب

بطفولته

ماعليه طولت عليك بس من جد انتي حطيتها براسك والاشوفيك كتبتي وعبرتي اللي فيك وعارفه شنوفيك

يعني مافيك الاوسواس وانزعيه من راسك
ام عبد العزيز111
ام عبد العزيز111
اختي من طريقتك بكتابه الموضوع باين انك ذكيه وتعرفين كل شي .. بس انتي ابدي من اليوم بتغيير 
نفسك .. ولاتربطين الماضي بواقعك الحالي انسيييه تماما واكثري من قراءة الكتب عن كيفيه دعم الثقه بالنفس واقرأي كتاب الله يشرح صدرك تراه دوى وعلاج للنفس البشريه .. والله يسعدك ويوفقك ..
..ثلــج حــآآر..
..ثلــج حــآآر..
..
كلآم الآخووآت كفـى وَ وفــى ..بسسَ نصصَيحة مني
أقــــــري كتب تطووير الذآت أبحثثي في النت بتلآقين أشيـآء كثيييررره بـَ تفيدك
فيه كتـآب أسمه قوة التحكم في تطووير الذآت ..مـَ رآح أتكلم عنه إقريه إنتي وَ شووفي