السلام عليكم ورحمة الله وبركاته
خواتي الغاليات
مادري إذا الرمسة اللي بكتبها بتوفي حق هالإنسانة الراااائعة بكل معنى هالكلمة ولا لا
وبصراحة أنا ما أشوف أنها الأخت طاسة خبز (أم عبدالله) محتاجة لشهادتيه
لأنها بتكون مجروحة وما بتوفيها حقها
بس في النهاية لازم أكتب ولو جزء بسيط من اللي في خاطريه صوب هالأخت الغالية
أنا طلبت منها البزار البحريني
واتفقت وياها على طريقة الاستلام بما أنها في دبي
بس أنا ما بتكلم عن البزار قبل لا أتكلم عن أخلاقها العالية
صدق صدق تبا تكسبج أخت قبل لا تكسبج زبونة
وقممممممة بكل معنى الكلمة
يعني أنا قلت لها جملة .. وهي (يا ريت كل الناس شراتج يا أم عبدالله)
لو بتم أمدح في أسلوبها وأخلاقها من اليوم لين آخر يوم في عمريه
بعدنيه ما قلت شي
صدقونيه ما أبالغ
واللي تعاملن وياها من الخوات واللي بتتعامل وياها في المستقبل
بتعرف معنى رمستيه
يعل ربي يوفقج في كل شي يالغالية ويعطيج كل خير
+++++++++++++++++++++
والحين دور البزار البحريني اللي خذته منها
أول شي مب أنا اللي استلمته
بس اللي استلموه في دبي
اتخبلوا على ريحته وقالوا صدق يستاهل
بس أنا قلت ما بكتب أي شي عنه لين أستلمه
بغيتن الصدق؟؟
ريحته خنيييينة .. حتى الوالدة ربي يطول ليه بعمرها .. قالت هذا البزار ولا بلاش
بيضتي ويهي ختيه أم عبدالله يعل ربي يبيض ويهج دنيا وآخرة
وغير جيه .. الأخت طاسة خبز أحرجتنيه
فديتها مطرشتليه ويا الطلبية هديتين
صدق استحيت ولا عرفت شقول
وعلى فكرة ختيه أم عبدالله .. ذوقج وااااايد راقي وحلو في العطور
السمووووحة منج يالغالية
أدري أنيه تعبتج ويايه
بس إن شاء الله نتم دوم خوات .. وخلينا على اتصال
ربي يحفظج