بس كلمه حق فيه بنات يجون ونتساعد

يعني ماايطلعون والبيت مكركب لن زوجي يجي على طول

فاا اضطر بعد العشى ارتب البيت كله ويساعدون مايقصروون

الله يجزاء كل وحده مرت على موضوعي الف خير وجبرت بخاطري وحست بمعاناتي الله يجبر بخاطرها ويحقق لها اللي في بالها ويسخر لها يارب..


بنات بعضكم يظن اني ابيهم وحده تمسح والثانيه تغسل والثالثه امسكها المكواة وخليها تكوي


حرام عليكم مو هذا قصدي بس انا قصدي الاشياء المبالغ فيه والاشياء اللي ماتنفع ولدك بالعكس هذا جزء من تربيته انه ماويسخ اللي حوله

ولاتنسوا اننا مسلمين والنظافه من الايمان يعني موضوع توزيع الحلويات والشيبس مااشوف لها داعي ان شاء الله انهم مادخلوا بيت مجاعه لان جمعتنا فيها حلى وفطائر وعشاء كمان..

وانتم عارفين مايوسخ الا هالاشياء اللي مالها داعي وماتفيدهم

واللي قالت تحط الاولاد بغرفه والله مااقدر والا ودي لانهم نظامهم عيالهم معاهم لدرجة اني وقت العشاء اقول الصغار ياكلون على طاولة الطعام وافرش زياده على الارض بس يوم اطالع الاقيني لحالي انا وولدي على طاولة الطعام وباقي الحلوات على الكنب يتعشون بالعافيه هم وعيالهم..

انا مااطالبهم الا بالاحساس واننا نحب لبعض مانحب لانفسنا...


واللي تقول اهم شيء وناستي انا معاها ان الوناسه مطلب والا كان مادورت عليهم بس مااتوقع وحده تستانس وبيتها صاير زباله وريحته تجيب الهم...

ولاتنسون ان البيت له رجال واكيد يتضايق اذا شاف وش صاير بأثاثه..


والله اني احب الناس والجمعات ومتعوده لان بيت اهلي مفتوح لعماني واخوالي


الله يعين يارب ويهديهم وسامحوني اذا ضايقتكم بكلامي بس انا قلت نفتح قلوبنا لبعض ونتعلم مافيها شيء لان مثل ماقلت احنا جايين من بيئات وثقافات مختلفه حتى لو كنا من نفس البلد

ياقلبي والله صادقه بالي قلتيه كله

بس ان شاءاللله تحصلين بنات افضل من اللي عندك

ولا تعرفين على مثلا شلله عيالهم كثاار لني انا مثلك عندي ولد

ولا صاار كل وحده معاها ولدين صاارت حلبه مصاارعه

فا اختار الي ينااسبوني عندهم على ولد ولا عراايس

يعني امهات العيال دايما مع بعض وينحرجون لا جو وحده ماعندها عيال

يحسون انهم ثقاال

بس فيه نقطه الرجال ليه مايجلسون يضفوون بزارينهم عن الحريم بالويك اند

< طموحه

انا اشوف اذا انتي تتضايقين من ذا الشيء حاولي تعزمي البنات اللي ماعندهم عيال او عيالهم مؤدبين

لان البيوت هنا صغيره ومافيه ابد مكان للاطفال انا بصراحه اذا جيت اعزم اقسم البنات يعني احاول اوازن في عدد الاطفال عشان ماتنقلب القعده كريش

والله معاك حق بكلامك

الله يعينك عليهم بس و يعوضك باللي احسن منهم

و دامك فتحتي الموضوع حتى انا ابغى اطلع اللي بقلبي << اعصابك بس هههههههه

بصراحه انا جيت من السعوديه و ع بالي بلقى ناس قلوبهم ع بعض زي ماقلتي لكن استغفر الله لقيت ناس العكس .. نفسي اعرف ايش الوناسه اللي يلقونها لمن يجتمعون و كل وحده تكسح الثانيه ( يعني تطيح وجهها ) و لا يدقون بعض باكلام ولا سواليفهم كلها حش ف الناس و الادهى والامر لمن يحاولون يتسحبون منك كلام ف فلانه وعلانه عشان تحلى لهم القعده الثانيه طبعا بدونك !

انا بصراحه تركت الناس كلهم و عايشه ذحين لوحدي محد يجيني ولا صرت اروح لاحد حتى جوالي مايدق عليه الا امي الله يخليها و زوجي .. صح اطفش و من جد احس بالوحده بس كل ماتذكرت جمعاتهم اقول اجلس لوحدي اهون ..

ايه صح ترا مو بس كذا .. كمان اعوذ بالله كل وحده تحسد الثانيه .. حسسسسسد بشكل .. الله يكفينا بس ( اصلا اكبر دافع خلاني ابتعد عن الكل انو مره رجعت من جمعتهم و حلمت حلم لمن فسرته كان عن حسد ) .. ادري بتقولون الواحد يحصن نفسه مو يبتعد عن الناس بس بصراحه جلسه اطلع منها بذنوب و آثام و كمان ضيقه ؟؟ يعني لا انا انبسطت ولا استفدت شي بالعكس خسرت ..

طولت عليكم بس حبيت افضفض عل و عسى احد يحس فيني لاني بعض الاحيان اشكك نفسي اذا انا صح او غلط .. و اعذريني اذا داخله ف موضوعك عرض ^^
الله يرزقنا الصحبه الصالحه يارب