مساء الخيرات حبيباتي
بعد السلام عليكم ورحمة الله وبركاته
بنات حواء تكفون ابغى رأي سديد وبسرعة في موضوعي:44:
قبل الحج شفت رسالة في جوال زوجي وحده كاتبه متى تتقدم؟
ترى اهلي جايبين لي واحد ويقولون طيب وووو
!!!!!
المهم انفجعت وقلت يمكن هالرسالة جت بالغلط
خصوصا ان الاسم اللي على الرقم اسم لشخص!
ونسيت الموضوع وقلت رسالة جايه غلط..
والآن اكتشفت ان الرقم رقم بنت!!
وقبل يومين قريت رسالة في جواله هذا نصها
شوف من الآن ابغى اقولك على دواماتي
1 الدار
2 دوام الملاهي
3 فرقة الطق انا عضوة فيها منشده طبعا!!
انا طاااااارعقلي!!!
بس مدري كيف مسكت نفسي وما قلت له على الرسالة
كنت انتظره في السياره وهو نزل يشري له غرض
وصلني بيت اهلي والهم ماكلني ...
نمت وقمت الفجر وقلت الآدمية ذي لازم اعرف من هي:mad:
قلت خلي ارسل لها رسالة اول..
ارسلت رسالة نبغى فرقة طق اسلامي وووو من ذا الكلام
ماردت:mad:
يوم جاء العصر قلت لنفسي ياصبرك!!!
لازم ادق على الرقم واعرف من سعيدة الحظ ذي..
دقيت ...وردت...المفاجأة ان الصوت اعرفه !!!!!!!!!!!!!!!!
وصوت عزيييييييييييييز على والله!!!!!
انصدمت !!!!من المفاجأة!!
السلام عليكم
وعليكم السلام
كيف الحال
تمام
اخباركم
وينكم مالكم حس؟
موجودين بذي الدنيا
وسألتها عن الفرقه وقالت لي
تدرون من طلعت؟؟؟؟
وحدة من صديقاتي ايام التحفيظ !!!
كنا موظفات سوى وهي مازالت وانا بعد ماتزوجت طلعت..
البنت انلخمت وانا اكثر وصوتها يرجف وهي تكلمني
ومن قوة الوجه قالت لي بمزحه وش عندك متصلة؟؟
المهم قفلت وانا في ذهول مدري وش اسوي والله :icon33:
البارح مرسلة له 3 رسايل
واللي عرفته انهم يكلمون بعض
لااااا وتقومه بعد لصلاة الفجر!!!
ابغاكم تساعدوووووني وش اسوي بزوجي ؟
اهد البيت فوق راسه ولا اضحك له؟
وبكتب ظروفي وظروفه يمكن تساعدكم على حل المشكله
لي 3 اطفال وحامل في الشهر الثاني بالطفل الرابع
وذي المشكله جت على وحم ومرض وغثيااااان
حالتنا الماديه (وهذا اللي فاقع مرارتي)ماتسر
يعني يالله يلحق على طلباتنا والكثير منها مايقدر يلبيه
مدري كيف يفكر ويعلق بنت الناس فيه وهو طفران
لا وشكله شاكي لها الحال لاني اشوف رسايل منها
الله يرزقك ووووو
الشي الثاني مجتمعنا التعدد فيه نااااادر
يعني لو سواها بيقدم على جريمه عند حريمنا
يعني المعددن ينعدوا على الاصابع
وكلهم لهم ظروف قوية اللي اعرفهم والبنت تعتبر نفسها مطلقة
مجرد ماتدري ان زوجها خطب !!وعلى بيت اهلها والعيال طبعا لابوهم.
والظرف الوحيد لزوجي انه يبغى وحده سعودية!
يكون مستقبل عياله افضل وله مميزات مهيب للاجانب الثانيين!
لاني من فتره وهو يزن على زواج السعوديات
وحالة البنت اللي هي صديقتي واحبها والله لانها انسانه طيييييييييييبة
في الثلاثينات من عمرها ماحصل لها نصيب في الزواج
ومن رسايلها اشوفها مررررره متحمسة للخطبة لا ومرسلة له رقم ابوها بعد!
ومن حلاة الطبايع اتصلت امس المغرب تقول لي عن موضوع الطق
وقالت زورينا انت واختك وكنها مافاعده تسوي شي من وراي وتطعني في ظهري!!
وام زوجي يااااااما تقول عند زوجي مسكينه فلانه ما انخطبت لين الحين
والله اني ادعي لها !!لانها في نفس التحفيظ وكلنا نعرف بعض وبينهم علاقة طيبه وقديمه
والله قاهرتني وما ادري وش السوااااااات
كتبت كل شي بالتفصيل الممل واللي عندها سوال انا حاضره
ارفعوا لي الموضوع ولا ردوا على الله لا يحطكم في مكاني.
استنى ردودكم على احر من الجمر هل اخلي الموضوع يتم واطنش ؟
ام اقف بحزم ضده؟؟؟؟؟؟؟؟؟
*وردةالمستقبل* @ordalmstkbl
عضوة جديدة
يلزم عليك تسجيل الدخول أولًا لكتابة تعليق.
شموخ ذليلة
•
الله يعييييييييييييييييييييييييييييييييييين
ياصبرك ماشاء الله عليكي
تعجبيني صراحه مانتي من النوع المستعجل علشان كذا حلي موضوعك برويه
فكري زين او استشيري واحد فاهم وماحد من الموجودات عارفه اطباع زوجك وحالة حياتكم كثرك
يعني الحل اللي يناسب غيرك ممكن مايناسبك
استخدمي كيدك وبتلقين اكثر من حل بإذن الله
الله يسخر لك زوجك يارب
تعجبيني صراحه مانتي من النوع المستعجل علشان كذا حلي موضوعك برويه
فكري زين او استشيري واحد فاهم وماحد من الموجودات عارفه اطباع زوجك وحالة حياتكم كثرك
يعني الحل اللي يناسب غيرك ممكن مايناسبك
استخدمي كيدك وبتلقين اكثر من حل بإذن الله
الله يسخر لك زوجك يارب
اشكر كل من ردت على الله لايوريها مكروه
بس سؤال واحد هل اسأله هذا رقم مين ورسايل مين؟
ام اسكت وخلي الايام تحكم:icon33:
بس سؤال واحد هل اسأله هذا رقم مين ورسايل مين؟
ام اسكت وخلي الايام تحكم:icon33:
الصفحة الأخيرة