عصرت مخي ابي اطلع مشرووع ماطلع معي شي!!

بنات انا خلاص تعبت وكاتبه هالموضوع من القهر
ابي مشروع
ابي مشرووووع..نفسي اصير تاجره تهىء تهىء
عصرت مخي ابي فكرة مشروع جديده ومن زود التفكير ضربت فيوزاتي وفوق كذا ماطلع معي شي:09:
عندي فلوس لاهي كثيره ولا هي شوي..لاهي شوي العب فيها ولا هي كثيره افتح فيها مشروع كبير
ومابغى مشروع يطلعلي 2000 معليش بتقولون عني طماعه بس مابغى الفين اشوف ناس يطلعون ملايين من مبلغ قليل ((اذا كانت الفكره جديده))
وتطلبين فكره جديده في المنتدى ومالقيت افكار معقوله
ولا تجيك وحده تقولك عندي فكره جديده بس اذا تبينها راسليني على الخاص
وتتعبين وتنتظرين وتشحذينها الفكره اخر شي تطلع فكرتها خياليه ولا مغبره:(
ولا تجيك وحده تقولك بقولك فكره بس تدفعين!! ادفع!!! ادفع عشان فكره في راسها ما ادري هي تنجح ولا لا؟؟ <<بدون تعليق
طبيت الاسهم ونجحت فيها لكن من بعد ولادتي قبل كم شهر ماقدرت اتفرغ لها وتركتها وبعدين شيبت شعري واتلفت اعصابي :icon33:
زوجي راتبه حلو بس انا ابي دخل اضافي وابي احافظ على فلوسي واستفيد من وقتي واشتغل
وللامانه زوجي:arb: موقف معي ومشجعني اتاجر يقولي سوي اللي تبينه بس اهم شي تجيبين لنا فلوس:icon28:
نهايته بعد جهدن جهيد فكرت اشتغل مصممة ازياء يعني افصل فساتين طلعه وابيعها عن طريق النت
لاني كل ما افصل فستان كلن يسالني عنه وربي ما اكذب
واللي خلاني افكر بهالشي اني كنت اتصفح بعض المواضيع واتفرج على الفساتين اللي فيها
يقولون خيال وبتكونين نجمة الحفله ولما اشوفه احسه عادي او عاري زياده عن اللزوم او بداوي
ورغم هذا اشوف عليه اقبال..قلت ليه ماصير زيهم:42: اصمم وافصل وابيع ونا في البيت
هاه شرايكم؟؟ فكره صح <<لا يكثر
وحده من ثنتين يا تشجعوني عالفكره يا تعطوني فكره غيرها
ونا متاكده انو في كثير بنات مثلي عصرو مخهم ومالقو شي وهذا من خلال قرائتي للمواضيع في ركن سيدات الاعمال <<عقبال ما اصير منهم
ملاحظه بالبنط العريض لا تقولون لي افتحي مغسله ولا محل فوقل وتميس لو سمحتو بليز<<طراره وتتشرط
الله الله بالردود اللي تبرد القلب وتثلج الصدر
تحياتي للجميع