موضوع حلو ومهم جدا في حياتنا
لازم نعود نفسنا وأولادنا على التفكير العملي والإقتصادي

أنا أول حاجة عملتها غيرت بيتي وسكنت في بيت إيجاره أقل

بيتي الأول شقة كبيرة شرحة وجديدة وأنا أول من سكنها
في حي هادئ وراقي
عبارة عن 5 غرف وصالة واسعة و 4حمامات وغرفة شغالة وسواق وباركنج خاص

وكانت الخدمات بعيدة شوي لازم سيارة وكمان زوجي مكان شغله بمدينة ثانية بعيدة مرررة عننا
فكنت مضطرة للسواق
وكمان أنا من ذوي الإحتياجات الخاصة فلابد من شغالة

نقلت لشقة بحي كويس قديم نوعا ما كله فلل وعماير مافي بيوت شعبية وخشاخيش
العمارة قديمة بس نظيفة وصاحبها مهتم فيها وساكن في نفس العمارة
الشقة 4 غرف وحمامين وصالة وباركنج
وكل الخدمات عندي خضار ولحام وهايبر
ومستوصف وكهربائي ونجار وغاز و و من غير مبالغة كانت لقطة بالنسبة لنا
بس سرمكناها لأنها كانت راح تكلفنا موكيت وأنا وزوجي مانتحمل الغبرة عندنا حساسية
وكمان جهاز المناعة عندي ضعيف مررة
فكانت ضرورة بالنسبة لنا وماكلفنا شئ عالي تقريبا نفس كلفة الموكيت

بالنسبة لإيجارها فكانت نص إيجار الشقة الأولى
يعني وفرت نص الإيجار <<<<<<<<<1
إستغنيت عن السواق لأنه كل شئ صار عندي وإعتمدت النقل المدرسي لبزورتي<<<<<<<<<<2
الشغالة مازالت عندي وصعب جدا أستغنى عنها وضعي الصحي مايسمح

زوجي راتبه كويس لكن الأقساط ماكلتنا أكل
وكمان زوجي الكبير للعائلة فعارفين وضع الأخ الكبير كيف يكون
وأنا مشجعته ومأيدته لكن في حدود المعقول
إذا شفت إنه بدأ يمد لغير أمه وأخواته الأيتام
وقفت له وناقشته لأنه طيب ورحوم وناس كثير تستغل طيبته
وفي الأخير أنا وبزورتي ناكلها فوق راسنا ونشد الحزام:eek:

موضوع الإيجار مهم إذا الإيجار عالي ويسبب ضغط جامد
على الميزانية
لابد ندور بديل
أنا تنازلت عن الماستر روم
وأقنعت زوجي لأنه ماكان مقتنع بالنقل كله
بس إلحين مبسوط ومرتاح للخطوة هذي
لأنه بيدفع إيجار لغرف مو مستفيدين منها
وكمان فيه بديل أرخص وأوفر
نقصت عدد الغرف
غرفة نوم لنا
وغرفة نوم للبنات
وغرفة نوم للأولاد
الشغالة تنام مع بناتي
الصالة خليتها جلسة لنا
وراح أحط طاولة طعام صغير لنا
المجلس خليته للضيوف
وأنا مايجيني غير محارمي
أخواني وأخواتي وأولادهم
فمو محتاجة لغرفة الحريم
الصالة تأدي الغرض
المقلط خليته غرفة للأولاد
والشقة فيه مستودع نفعني كثير
وعملت تصفية لأغراض البيت
إلي عاملة زحمة وما منها فايدة
وشوي شوي راح أغير بعض أثاث بيتي
لأنه صار غير صالح للإستخدام الأدمي:22:
ومعليش طولت في ردي
بس حبيت تكونو معايا في الصورة:26:

بالنسبة للمنظفات أخذ بالجملة
الصابون كيس كبير 10 أو 25 ك على حسب المتوفر بس شركة معروفة وسعرها معقول
لأني جربت الشركات الغير معروفة ذوبت وهرت لي الملابس وعمرها الإفتراضي قصر
الكلور ومنظف الزجاج والمطهر جوالين كبيرة ملطف الملابس أخذ موبي
أو داوني لأني مالقيت ملطف نوعية كويسة بجوالين كبيرة
السفر وأكياس الزبالة الكبيرة والصغيرة وأكياس اللحمة والسدويشتات الشفافة
والقصدير وإسفنج وسلك المواعين برضو جملة ومايضرها التخزين
وأوفر من ناحية الفلوس والوقت كمان
لأنه كدا تقل فترة تسوقك من الهايبر ولستة الطلبات تقصر.....

يقسم المرء الاشياء الى:1-ضرورات وهي التي لايستغنى عنها 2-حاجات وهي التي يحتاجها الانسان في اوقات معينة فممكن الاستغناء عنها احيانا 3- كماليات وهي التي ليس بالضرورة شراءها لانها غير مهمة (كالتحف )
وانا معاكم في الحملة(رتب حياتك)

والله ماتصدقين ياخت داليا اني حارمه نفسي وحالتي مايعلم فيها الاالله الفلوس تجي بيدي والطير وزوجي الحمدلله راتبه جيد والله ماني من النوع الي اسواق وماركات لاكن ما اقول الا الحمدلله؟

الصدقه



الصدقه




الصدقه



لا تتصدقين بالوف تصدقي لو بريال واحد ادخلي على حسابك بالراجحي وشيلي الفراطه اللي بعد المئات وتصدقي فيها لوجه الله في اي خانه من خانات الحسابات الخيريه وراح تشوفون التيسير والبركه وتسهيل الامور لا اقول ادفعو مئه ولكن الفراطه اللي قبل المئه من الحساب لن يكلفكم الشي الكثير وان شاء الله ستجدون الخير الكثير

احسنو النيه واحسنو الظن بالله واخرجو من قلب صادق محب للخير وستجدون الخير الكثير

وادعو الله اللهم فرج بها هم من حل به الهم وفرجي همي برضاك عني ادعو ادعيه من قلوبكم ليست المقروئه من الكتيبات ولكن من قلوبكم صادقه نابعه من قلب صادق لاجئ الى الله وان شاء الله ستجدون الفرج والخير الكثير

والله يفرج همي وهمكم وهم كل مهموم يارب وارضى عنى يا عفو يا غفور يالطيف

وارزقنا رحمتك وبرك وطاعتك وارزقنا البركه في المال والصحه والحياه الهنيه السعيده يارب العالمين


اللهم امين