بصراحة مااعرف
بس حبيت ارفع الموضوع لعيونك
الله يسهل عليك

طيب ليش ماتطبخينه برى احسن لك
والله يكون بعونك

حبيبتي الله يعطيك العافيه ويساعدك ويكون في عونك
ترى طبخ الذبيحه مررررررة ممتع انتي بس هونيها
انا سويتها لما كنا في البر والحمد لله ظبطت معاي
اول شي اغسلس الذبايح زين ما زين وبعدين تكونين محظرة القدر الكبير وتحطين فيه الماي إلين يغلي وبعدها حطي الذبايح فيه وبعد الطبخ بنص او ثلث ساعه ضيفي له الملح ولو يكون الملح الخشن يكون افضل
والبهارات تحطين شي بسيط عشان ما يعطيك لون الرز غامق يعني بس للنكهة
وحطي الهيل والمسمار والقرفه اذا تحبين بعد ورق الغار وشوي بصل وطماط قطعيه كبار شوي
وخليها تطبخ طبعا اللحمه على حسب حجمها تاخذ الوقت في الطبخ يعني اذذا كانت الذبيحة صغيرة انتبهي لاتكثرين الطبخ عليها عشان ما تتقطع عليك
وبعد ما تستوي اللحمه شيليها اذا حابه تحمرينها حطيها في صينية الفرن وتكونين محضرة التتبيله اللي تحبينها وتمسحين الذبيحة فيها وتدخلينها للفرن
او انك تكونين محضرة قدر ثاني وتشيلين الذبيحة وتحطينها فيه اذا ما تبغينها متحمرة
وبعدين تصفين المرق اللي طبختي فيه الذبيحة ولازم تزيدين عليه شوي ملح عشان يطلع الطعم افضل واذا حابه اضيفي الفلفل البارد بعد يعطي طعم راااائع
انا احط الفلفل مع الرز عشان مايفقد نكهته
وبعدها اضيفي الرز والمرق طبعا اكيد بتعرفين مقداره يعني على حسب نوعية الرز اللي بتحطينه
واضيفي زيت اذا حسيتي ان المرق ما فيها زيت ولما يبدأ ينشف قصري على النار
وحليه يستوي على راحته
تكونين محظرة الكشنه اللي تحبين تزيني فيها الوجه عاد انتي وشطارتك وفنك
ياليت اكون قدرت اساعدك بشي بسيط لكن والله لما تخلصين وبعد ما تفرغين الوجبه في الصحون تحسين بمتعه حتى لو كنتي مجهده وتعبانه وتحسين بإنتصار ويكفي انك بتسوين الشي هذا لأجل خاطر ابو الشباب الله يخليه لك وانتبهي ترفضين او تقولين له ما اقدر اسويها حتى لو لقيتي تحبيط من اهله او اهلك خلك واثقه وربي بيعينك
الله يعطيك العافيه وموفقه يارب
تحياتي

الله يكون في عونك هونيها وتهون أن شاء الله
البنات ماقصروا والله يوفقك

تسلمون كلكم والله
كني داخله حرب انا اعرف الطريقه لكن المشكله تنظيف الراس
والاشياء الثانيه والكرشه مااعرف انضفهم

والف مليون شكر لك ناني ربي يسلم يدك