شرح مصور للغساله الاتوماتيك مع المجفف

الأجهزة المنزلية والمشتريات



السلام عليكم كيف حالكم ان شاء الله بخير
حبيباتي اللي ياما وياما استفدت منكم الكثير والكثير وانا الله يخلف علي ما افيد بس استفيد انا طبعا شفت كم وحده تسأل عن الغساله الاتوماتيكيه فقلت ياللا خليك سنعه ونزلي موضوع عنها

فحبيت اوضح كيفية استخدام الغساله الاتوماتيك مع المجفف الحراري

اول شئ هذي صوره للغساله طبعا ماركتها جبسون امريكيه حمولة 10 كيلو لها عندي ثلاث سنوات وماشيه تمام التمام



طبعا لازم يكون مسلك لها من ورى تسليك خاص للمويه والكهرباء وفتحه للتخلص من الماء والافضل انها تكون مرتفعه عن الارض شوي





وهنا الازرار اللي على اليمين تبع الغساله واللي على اليسار تبع المجفف



وهذي الازرار حقت الغساله الاول من اليمين للتحكم بوقت الغسيل والشطف حسب نوعية الغسيل وانا طبعا دايما اختار الوضع اللي باللون الازرق احسه يناسب كل غسيلي وسهل بعد واللي بعده التحكم بحجم وكمية الماء كبير وسط صغير والاخير للتحكم في حراره ماء الغسيل والشطف



طبعا عند التشغيل اقوم بسحب الزر الاول لاعلى فتبدا بتعبية الماء وهذي صورة نزول الماء على قول ولدي شلال


هنا الزر عند وضعية التشغيل



وانا بطريقتي احط الصابون مع الماء قبل ما احط الملابس بعدين اخليها تشتغل على الماء والصابون لحد مايذوب ثم احط الملابس
وافضل صابون عندي هو اريال نظافه وريحه حلوه



هنا نلاحظ مكان الزر تغير وصل للحد اللي يبداء فيه بتعبية الماء حق الشطف بعد ماتخلصت من ماء الغسيل ونشفت الملابس من الماء الملئ بالصابون



هنا ععاد اقوم بوضع الكمفرت الملطف وترى موشرط يحط بها المكان انا احيانا احطه جوى الحوض على طول بس عشان ابين لكم هذا المكان لأيش


بعد كذا اخر وضعيه وهي وضعية التجفيف بنسبه 70 %
123
89K

يلزم عليك تسجيل الدخول أولًا لكتابة تعليق.

تسجيل دخول

توت توت ام التوت
بعد كذا اخر وضعيه وهي وضعية التجفيف بنسبه 70 %



ننتقل الان الى المجفف وهذي الازرار حقته من اليسار لليمين الاول للتحكم بوقت التجفيف ونفس الشئ اختار الازرق واللي بعده لاختيار حرارة التجفيف حراره عاليه متوسطه وقليله مع التخلص من الشوائب في كل الاوضاع وهي مايسمى بالزغب طبعا يخلص الملابس من كلش حتى لو كان فيه منديل ناسيته وعدم على الملابس المجفف يخلصني منها



وهذي صورة المجفف من جوا وفيه الملابس



وهذا الصفاي اللي القى الشوائب متجمعه فيه ولازم انظفه كل مره لانه يطلع بلاوي مدري من وين يذكرني بالحوظ حق مكنسة رينبو اتوقع انه مثلها يطلع حتى الغبار العالق في الملابس لانه مره عقب ماجينا من البر لقيته مليان تراب






وهذي صورته بعد التنظيف




ركبت الصفاي مكانه




حطيت الملابس وسكرت عليها يفضل وضع مطري الاقمشه معها لان الكمفرت تروح ريحته او تخف مع الحراره ( مو موجود عندي ولا ان كان حطيت صورته )
هنا وصل لحد النهايه طبعا يرن جرس مرتين مره لاوصل النصف ومره قبل لايوقف بثواني




هنا صورة الملابس بعد ماخلصت طبعا انا المجفف حقي يطلع الملابس ناشفه 100% ماعدا القطنيات لازم اعطيها لفه ثانيه



وهنا نشوف الصفاي لما امتلى مره ثانيه

وتطلع الملابس حااااره وعلى طول اطبقها وعلى الخزانه على طول
توت توت ام التوت
طبعا بالنسبه للمفارش والبطانيات تغسل النفر والنفرين وهذي صوره للبطانيه جوا الغساله



وهنا وهي جوا المجفف وبعد ماتطلع وتتلحفين فيها وااااو على الحراره بها البرد شئ جنان لدرجة اني احيانا قيل النوم احطها عشر دقايق عشان تدفينا هذا غير الهواء الحار اللي ينشره المجفف فيصير الحمام داااافئ واحب احمم عيالي بها الحمام وانا احيانا



والسلام ختام واي سؤال انا جاهزه

معليش يابنات لاتدققون واجد بالصور حصوصا حقت التسليك لاننا شلنا المغسله الداخليه وركبناه مكانها وبعدين مو بيتنا اذا جاء بيتنا ان شاء الله الملك يحق لكم تعلقون وتعذربون على كيف كيفكم
جنوبية وبس
جنوبية وبس
ماشاء الله

غسالتك ميزتها انها فوق بعض ... توفر مساحة ..

مشكورة عالشرح
الوافيه المظلومه
ماشاء الله عليكي شرح واضح
استفدت من ناحيت المجفف لاني توي شاريته
مشكوووره
* البيت الصالح *
ماشااااااااء الله عليك ماقصرتي