الحمدلله على سلامتك ومبروك ماجبتي ياقلبي قصتك بكوم وتقليدك لا الهنديه بكوم من حرتك حفظتي وش تقول انا صارلي زيك بالضبط بولدي الثاني ولدت بالعسكري وكنت لحالي وزوجي باانتداب ولا احد حولي امي طلوعها غصب والله ان جهاز الطلق على بطني وللاسف خربان واحس الطلق يزيد ونادي من قوه الالم واقولهم فيني طلق حار يقولن ماسجل الجهاز وانا حاسه بطلوق الولاده المهم من قوه الطلق صرت ازحر من قوه الزحر رميت المخده وطاحت عند السيستر والله انها ردتها لي وضربتني فيها صرت ابكي واطلق منها كاني طفله واقولها انا احس الولد بيطلع تقول الجهاز ماسجل الله ياخذ حقي منها والله وتطلع وتخليني لحالي وانا عندي خبره وازحر لين طلع الراس والاخت دخلت وشافت الراس وانهبلت وصارت تنادي الدكتوره وطبعا انا ولدت نفسي ومحدن حولي ولادتي بكوم وضربها لي بكوم ولا سكت دقيت على رجلي بعد مارتحت وقلت له وش صارلي قلب العسكري قلب لانه ضابط ورتبته كبيره وبعدها ماتبت وحكم علي زوجي اولد الثالث عندهم وبصراحه فرق شاسع بين اخر مره اهتمام كاني اميره واكتشفت السبب على حسب المناوبه من السيسترات والدكتورات وكانو الي مناوبين فله ماغير يتغزلون فيني خخخخخخخخخ ارتفعت معنوياتي يقولون بيبي يجيب بيبي لاني جايه مرتبه هالشعر ولين ولدت طلعت الكشه شمس الشموسه حامت كبودهم تندمو انهم مدحو خخخخخخخخخخخخخخ

وانصحك لا تسكتين اشتكي ع الادراه اعطيه اسم المناوبه وقوليله الي صار و****لله تلقين لك حل

الله يستر انا قربت ولادتي عندهم بعد على تامين ارامكو والله خوفتيني منهم بالله وش اسم هالسودانيه وهالممرضه عشان اتفاداهم وليش مالودتك الدكتوره اللي تراجعين عندها

وشلون اروح مستشفى ثاني ونظام ارامكو مايسمح الا مستشفى واحد

السلام عليكم ياااااغالياااات
والحمد لله على سلامتك
انا توني والده من 4 ايااااام في العسكري والله انه احسن مستشفى ولدت فيه اهتمااام ونظااافه وكل شي فيه حلو

وش سالفت هلمواساه الي فشرقيه دجه وخايس ولي فرياض زيه متفقين على الخراب اخر مره ولدت في مواساه الرياض كان زيك خلوني لحالي والمشكله اسمعهم يضحكون ويسولفون فلغرفه الثانيه على الا قل يخلون وحده تروح وتجي المهم الله ستر وانا خلاص حسيت الراس بيطلع قلت شكلي بولد ولا حولي احد دخلت ممرضه بصدفه بتاخذ غرض ولاهيب لمي وهي طالعه قلت سستر التفت علي ورفعت الشرشف وشافت الراس شهقت ونادتهم قلت لدكتوره وينك قالت مشغولين ومافيه غيري احسها نصابه مادفعو رواتبها قالت خلني اخرب سمعتهم وانا جايه عن طريق تحويل من قوى الامن هم تبعهم يقولون زحمه عندهم واحس خياطها اي كلام حسبي الله عليهم يازين الحكومي

الدكتوره السودانيه في قسم الولاده فقط ( وفي هذا القسم 3 دكتورات وحده مصريه اسمها ناهد والثانيه اردنيه والثالثه سوادنيه ماأعرف اسمائهم ) والممرضات اكثرهم هنديات
واما دكتورتي ماتولدني وهذه طريقة المواساه
اما نظام ارامكو ممكن يحولك لمستشفى ثاني وشكرا