عاشق الورد :

ياللي تشوف الدمع ف عيني ............................إوعى تفكر إني حزين دمع الحزن اناعمرى ماشفته ............................أما الفرح عيون سايحين دمع عيوني غالي عليا ............................بس بيرخص للغاليين وانا والغالي بحر محبه ............................طيب قوللي ابكي لمين الا ف عمره مايوم زعلّني ............................واما يشوف حد مزعلّني يجري عليا يطيب خاطري ............................تلقى الضحكة بتطلع مني نفضل نضحك وبصوت عالي ............................لو تسمعنا تقول مجانين شوف ازاي الضحكه أهي عاليه ............................أما عيوني انهار جاريين ياللي تشوف الدمع ف عيني ............................إوعى تفكر إني حزين عاشق الورد حسني جاد

ياللي تشوف الدمع ف عيني ............................إوعى تفكر إني حزين دمع الحزن اناعمرى...

عاشق الورد :

برغم اني بكل عمري بحبها … ودعتها مع كل دقه قلب تنده اسمها … ودعتها وان الجمال مخلوق يادوب على رسمها … ودعتها ودعتها وساعتها قلت .. انا خلاص خدت القرار وشفتها لما شاورت .. اتسمّرت زي الجدار مات الكلام فوق الشفايف .. وانتهي بينا الحوار وكل واحد خد طريقة .. واحنا بندوق المرار مرت علينا ايام .. اطول من الأيام ايام ماشُفناش زيها .. ولا حتى في الاحلام فيها مرار وعذاب .. فيها جراح والآم والنوم مخاصم عنينا .. وقلوبنا مش بتنام تاهت قلوبنا في الدروب .. وعشنا بالاشواك ندوب حتى ماكانش الليل يعدي .. إلا بجراح تدمي القلوب وآدينا ع الحال ده شهور .. وآهي دبلت اوراق الزهور مالاقينا مين يرحم بحالنا .. ولا حتى ايد تسقي الزهور عدت عليا سحاب .. فيها ملام وعتاب قالت لي ليه كان الفراق .. طاب قوللي فيه اسباب جاوبت دموعي اوام .. أي والله فيه اسباب ماكانش ممكن نجتمع .. أو نقفل علينا الباب طول مالعقول اتحجّرت .. والحب ماله حساب فرضوا عليا ابتعد .. وأهجر عيون احباب حاولت اقاوم غدرهم .. وأشيل بحبي غلهم وأطلب لقلبي ودهم .. وجاني كلام منُّهم رايحين يوروها العذاب فضّلت أختار البعاد .. وأهيم بحبي في البلاد وارضى الفراق مني أنا .. يمكن ينسّيها الغياب وآدي النتيجه ياسحاب ردت وقالت يعني حبك .. هوه اللي وراك العذاب وآه ياعيني على جرح عاشق .. في الزمان ده مالوش صحاب شعر حسني جاد

برغم اني بكل عمري بحبها … ودعتها مع كل دقه قلب تنده اسمها … ودعتها وان الجمال مخلوق...