المشكلة مني او فعلا خطيبي سيئ!

السلام عليكم
اولا انا مملكة

بنات انا مدري ايش بلاي شكلي خفيفة و ينضحك علي بكلمة والا مدري ويش الهرجة

المهم
الحين انا كل فترة احمل مشاعر شكل لخطيبي
مره اكـــــــــــــــــــرهه
ومره اتقبله وارحمه

المشكلة اني لما احس بكره له اجلس اتذكر اشياء مدري ايش تبي
وافكر ليش ما جات ببالي وقتها

بالمختصر :35:

الحين احس اني اكرهه لاني تذكرت وعوده الكثــــــــــيرة اللي ما يوفي بها

هي كانت شغلات تافهه فالبداية.. بس مع الوقت احس صرت ماعاد اصدقة
فالبداية كان يوعدني بيسوي وبيسوي
من بين الاشياء وعدني نسافر شهر العسل برا وبعدييين اعترف انه مايبي وجالس يتريق على واحد من اقاربنا سافر شهر العسل برا :mad:
طيب يوم تشوف هالشي معيب ومشين وسيئ ليش توعدني فيه


بعدها وعدني يجيب لي جوال جلكسي اس 2...<<مع اني ماااطلبته
بعدين قالي انتي عندك 3 اجهزة ولو جبته لك بيصير عندك 4 .. ماله داعي اجيب لك :mad:
طيب ال 3 هذي مو من جيبك ياعمي واللي يبي يهدي ما يجلس يشوف ايش عندي وايش ماعندي ويحسب علي

ومن اول خطبتنا وعدني و وعد اهلي ينقل للمنطقة اللي احنا عايشين فيها
والحين يقول لي لا صعبة دوامهم هناك صعب انا مرتاح هنا ومدري ايه :mad:

بعدها وعدني يجيب لي ذهب كويس لان شبكتي كانت مرررره رخيصة ومن النوع اللي مش ولابد
وذحين يقول لي مارح اخذ لك بناجر باخذ لك اساور واشياء بسيطة تستفيدي منها
بكيفك هو والا بكيفك :mad:


بعدين وعدني يعمل لي زواآج مستقل
وذحين يقول لا نسوي زواجي وزواج ولد عمه سوى :mad:

كل الاشياء الثانية مرقتها له
الا الاخيرة

انا مابي زواج جماعي وهذا اقل حق من حقوقي انه يسوي لي زواج بناء على طلبنااا



بنات دايم افكر في افعاله

احسه تزوجني بس عشان الــجـ..
احسه بس يرغب ومايعرف واجباته
او يمكن بخيل
بس هو يدلع نفسه بشكل جنوني
لبس جوالات عطورات .. الخ

اممم مدري بخيل او لا
لانه يسدد فاتورة جوالي :icon33:

بس من يوم ملكت ما اعطاني حتى عيدية
بس يجيب هدايا و وورد وزي كذا


بنات مافهمته
انا متلخبطة واكيد موضوعي ملخبط
بس اش رايكم في وضعي

رجعت لي فكرة الطلاق
اتخيل اني مارح احس بالامان معاه

وصرت اهمله ولا اكلمه احس براحة اذا ماكلمته لان مكالماتنا سااااااامجة سخخخخيفة ما ادري ايش اقوله ولا اببي اقوله لانه حتى هو ينهي الاتصال بسرعة ماله نفس يكلم واذا ماكلمته يعاتبني وينك ليش ماتتصلي مدري ايه .. ليش اتصل ايش اقول لك مافي شي اقوله <<على فكره ايش يصير فالمكالمات هذي بعضهم يقولو 6 ساعات متواصله يتكلمو ايش يقولو بالله ؟؟ انا مكالماتي اطولها ثلث ساعة


اوووف
ضايعة محتارة

وفيه اشياء كثيييرة بس مو فاضية اكتبها

انصحوني :44: