وسيلة فتاكة للقضاء ع النمل في البيت

السلام عليكم

كيفكم حوائيات
طبعاً زي ماهو واضح بالعنوان عندي طريقة حلوة للقضاء ع النمل دلتني عليها الوالدة الله يحفظها
والله كان النمل ببيتي بالهبل كثيييير مع ان البيت يتنظف يومياً لكن اذا شفت هالنمل تنسد نفسي واحس كأن البيت مو نظيف
وكنت متحملة النمل الصغير الاحمر لكن بعد فترة طلع نمل كبييير أسود له ريش و يطير
يخووووف دقيت ع أمي وخبرتها ودلتني ع خلطة سحريه رااائعة

طبعاً مارح اطول عليكم

جيبي مرش وعبيه ماء مقري فيه ( أنا عندي الأوراق اللي مكتوب عليها آيات الرقية بالزعفران)
نقعته واخذت مويته وصبيتها في المرش
وأيضاً تضيفين له خل ابيض تقريباً نصف كوب ونصف كوب ماء ورد ولو زاد افضل وبعد تحطون ديتول ربع كوب وملح يفضل الملح الخشن لكن اذا موب موجود حطي الملح العادي

والباقي تزيدين موية القراية لين يمتلئ المرش ورجي المرش رج مضبوط

وروحي بخي ع أماكن تواجد النمل و بيوتهم
والله جربت هالطريقة وخف النمل كثييييير بنسبة 85 الى 90٪

المرش للي ما يعرفونه هو علبة بخاخ

اللي تجربها وتفيد معها تدعيلي ان الله يحقق لي اللي في بالي ويحفظ أمي من كل شر ويطول بعمرها ع طاعته.