مدري !


مو شرط يكونوا انانيات .. يمكن خايفين عليكي

اعرف ان الجماعه تزعل اذا كانت الاولى قريبه لهم؟!
مادري هو موضوع يتسلون فيه فتره وبعدها يختفي انت لا اول وحده ولا اخر وحده فطنشي اختي فمنهم اللي بس يحب الشماته ومنهم بس يتسلى زي ماقولت ومنهم اللي خايف عليك واحنا كذا الحريم نخاف من موضوع الزوجه الثانيه مو حبا في رجالنا لا لأننا عشنا معاه ونعرف انه ماعدل وهو عنده وحده فكيف لما ياخذ الثانيه يعني البلا من الرجال مهما صار.
وكمان حكاية المطلقه تتقاطع هذا بحد عينه بلا، الرجال مطالع مطالع سوااء كانت مطلقه او ارمله او بنت او متزوجه فالفطينه اللي ماتعلم زوجها بهرج الحريم، ماشوف الرجال يحكونا عن اصحابهم وعيال عمهم.

كل شىء في هالدنيا نصيب
واكيد الوحده تبغى زوجها لها وحدها
لكن على قول قلعة الملوك البنت ما تخطب لنفسها والا اختارت افضل الرجال
يعني اللي تقول هالكلام تضمن زوجها ما يتزوج عليها او تصير في يوم مطلقة

ألف مبروك يا قلبي الله يتمم لك على خير
بقولك شغله يا قلبي لما تكون الوحدة مطلقة الكل عينه عليها موب حب لا والله خوف
كل وحده تخاف إن هالمطلقة تأخذ زوجها
بقولك موقف صار لي وأنا مطلقة
كنت في مدرسة تحفيظ قرآن وكانت مديرة المدرسة أعرفها بس من بعيد
ولا وحدة من المدرسات كانت تعرف بوضعي كنت جدا رسمية معهم
وتفاجأت فيها مره لما كانوا المدرسات مجتعات تقول مشغله فلان خطابه لك تقصد أخو زوجها
انا أنصدمت قلت ليه قالت يسولف على زوجي عنك
طبعا أنا أنقهرت مره من هالأسلوب ناظرتها قلت بقولك شي تطمني يكفينا من الجماعة واحد وغير كذا ماحطيت الزواج في بالي هذا 1
ثاني شي لو ما بقى في هالدنيا غير زوجك ما أخذته وش أبي بواحد مزواج يتزوج ويطلق
أحس بردت خاطري شوي وطلعت من المكان


والناس الي كلمت عليك ترا مو خوف ورحمة لزوجة خطيبك لا هي شماته وتشفي فقط لا غير
من اليوم وطالع الوحدة ألزم ما عليها نفسها وترمي كلام الناس ورا ظهرها محد عاش حياتك عشان يتكلم ويتفلسف

عمر الزوجه الثانيه ماكانت عيب ..مثله مثل غيره زوج بيت وذريه .كلام الناس يطير به الهواء..بالعكس هاليوم اللي مايكون موجود استغليه عباده وصلاه وقيام بالليل وحفظ للقران كل يوم وجه اوعلى مقدرتك ..وليت هالتنافس وحب الرجل والغيره عليه تكون حب لله وتنافس على العمل الصالح وتكون الغيره لا شفت ناس احسن من صلاه واكثر من صيام واعمال خير وانافسهم على القرب لله عز وجل( وفي ذلك فاليتنافس المتنافسون )...لان هالدنيا معبر وليست مقر ...الله يهدي الجميع لمايحب ويرضى..