بكم الدريل الاصلي وكيف اعرف انه اصلي نفسي اعلق حاجه بيتي نقلنا لنا سنتين وماحطيت ولاحاجه وبعض الاشياء راكنتها الين اكمل البيت وبعدين اجيب واحد يعلقلي كل اللي ابغاه بس ناويه اتجراء زيكم بنات ماشاءالله عليكم بس انتم عطوني المعلومات اللي ابغاها عنه

هلا اختي الجوهرة

انا مادري اخوي شرى الدريل لي

ومادري عنه اذا اصلي او لا

بس يبيله قلب شويه انا كنت خوافه وقلت مستحيل اجربه
بس شسوي اضطريت اني استخدمه لاني ابي اعلق شغلات شكثر وعلى كيفي بالماكن اللي ابي مو معقوله كل شوي بنادي احد يعلق لي

صح والا لا؟؟

مادري احس ان العملية في البداية صعبه بس بعدين تصير اوكي وسهلة
والبنات ماقصروا معاي

ماشاءالله عليك وربي صادقه قرف وعيب تقعدين كل شوي جايبتلك واحد والسوق ماشاءالله فيها حاجات تحفففه كل شوي منزلين شي جديد علشان كذا نفسي اخذه واتعلمله بس ما اعرف بكم ولا اعرف الفرق بين الاصلي والتقليد

الحمدلله اختي ناعومي اخيرا استخدمتي الدريل
ومرة ثانية احذرك انك تتأكدين من عدم وجود اسلاك كهرباء او مياه خلف الجدران اثناء الحفر
وبسهولة بتعرفين هذا الشي بشرح لج كيف
شفت حنفية الماي مثلا اذا هي في وسط الطوفة بالنظر مرري عليها نظرك مثل علامة زايد يعني فوق الحنفية بالضبط للأعلى واسفل الحنفية للأسفل ويمين الحنفية حتى تصلي الى الزاوية اليمنى من الطوفة ويسار الحنفية حتى تصلي الى الزاوية اليسرى من الطوفة بهذا الشكل تضمنين انج ماراح تحفرين في هذه الخطوط ونفس الشي بالنسبة للكهرباء عند اي سويش او لمبة سوي عليها علامة زايد بالنظر ولا تحفرين في هذه الاماكن
اتمنى اكون افدتج بخبرتي في الدريل

ماشاء الله عليكم منكم نستفيد الله يعطيكم العافيه