صبحكــم الله يالخير والسرور
قبل يومين كان الجو يهبل الضحوة ...عندنا اهل جدة ... قلت خليني اطبخ في الهواء الطلق << ما صدقت نسمة
هواء ههههههه
هذا غدانا قبل يومين ........(( دجاج مشوي على الفحم .... مع خلطة الرز الخاصة ))<< ثقة زايدة ادري هههه
المهم ..........
المقادير ..........
**1 حبة دجاج او حسب الرغبة
**صدور دجاج مقطعة مربعات وسط
**بصلة + ثوم مطحون 2 م ط + زنجبيل مبشور 2 م ط وكل ما زاد زان الطعم + فلفل ابيض م ط + خل + ملح + 1 م ط صوص الصويا الحلو لكل حبة دجاج او صحن صدور + اجي نومتو حسب الرغبة
تضربينهم في الخلاط ...........
تصير الخلطة سائلة ومصفرة ... تتبلين فيها الدجاج القطع الكبيرة والمربعات
ملاحظة ...... لو تبلتيها من الليل افضل واطعم ......
وهنا شبيت الفحم .... والمروحة الخوص اهم شي ههههههه
شبكت الدجاج المكعبات في اعواد الشوي ....... وعلى الفحم
وهنا بعد ما حمر <<< الريحة تسطللللللللل
وقبل ما تحطيها في القدر .... حطي قصدير وسط القدر ... عشان نلف الدجاج وسطه ويقعد حار وعشان احط فيه فحمة بعدين وسط زيت واحطه على نار هادية يتسخن اذا كان فيه وقت بين الشوي ووقت الغداء
وهنا حطيت القطع .......
وهنا محمرة ومشمرة يممممممممممم اليمة .......
وهنا مع الرز بالكشنة حقي اللي معتمدتها ........ اللي تبغاها حتلاقيها في موضوعي حق اللحم المــكــمـوت
وهنا الاعواد .....
زي منتو شايفين السفرة .........قدمتها مع دجاج مقلي متبل بالثوم والفلفل الابيض + الفلفل المطبوخ برضه طريقة في موضع اللحم المكموت + السلطة + البصل المقلي المقررررررررمش
وهني وعافية