ابغى اجلس مع امي يارب ارحمني

بسم الله والصلاة والسلام على رسول الله
يارب اللي ترد ولو بدعوة ان ترزقها من حيث لا تحتسب وتدخلها واحبابها الجنه بلا حساب ولا سابق عذاب ..
ببدا معكم كلامي وش صار معي بالضبط وانصحوني اما رقم اخصائيه او نصيحه من عندكم ..
انا بنت كنت شاطرة في اشياء ماشاء الله لاقوة الا بالله ..
واتعرفت على وحده من 4 سنوات وللاسف مضطرة تكون معي بشكل دائم مرة شافت شي عندي وماذكرت الله ومن ذاك اليوم حسيت اني بموت الى ان قدر الله لي واخذت اثرها والحمدلله تحسنت حالتي بعد قصه طويله ..
المهم تكرر هالموضوع اكثر من مرة وصارت لي حاله نفسيه بعد هالتعب كله وحسبي الله ونعم الوكيل
صرت ما ابغى اخرج من البيت ولا ابغى اقابل احد ولا حتى السوق اروح فقط للمستشفى وارجع وانا ميته تعب وخوف .. رغم اني الحمدلله ملتزمه وارقي نفسي لكن واضح انها صارت لي نفسيه الحين تطور الموضوع حتى اهلي ما ابغى اجلس معاهم اتضايق وتجيني دوخه واذا رحت عنهم تخف الحاله ..
امي تعبت معي كثير وخايفه علي من هالعزله بس والله مو بيدي انا اتعب اذا جلست مع اي احد وادوخ وينتفخ بطني وينقطع نفسي وزغلله فالعين واكرة يوم عندي اذا قالوا نطلع نتمشى والا ناكل برا .. يجيني احساس الموت ورجولي تبرد وتنمل ما اكل بس اتشهد .. اقسم بالله حالتي حاله هالحرمه كل يوم طالعه وكل يوم مطعم وانا حتى اهلي ما ابغى اجلس معاهم والله ما ابغى اطلع والا ادخل ابي بس اجلس مع امي مثل بقيه الناس حسبي الله فيها ونعم الوكيل .. اخر مرة نزلت السوق انكتممممممممت تماما .. والله ولا نفس مافيه اكسجين بغيت اموت وبطني منتفخ ودايخه خصوصا لما ادخل للمحلات اشد من اذا جلست برا ..ولما دخلت السيارة كأن احد كب علي مويه واسترخيت ولما وصلنا البيت طبعا ما شرينا بس رجعت كأني مضروبه من شدة التعب اهلي تعبوا معي ماعاد عرفوا وضعي هل هو نفسي والا غيرة رقم ان تحاليلي ما شاء الله سليمه ..
اشوف زميلاتي بسناب يتلاقون برا ويروحون اسواق ويعتمرون الله لا يغير عليهم ويزيدهم من فضله والله بمجرد ما اشوف سناباتهم اتخيل لو كنت مكانهم اكيد بموت واحمد الله اني جالسه فالبيت كنت طبيعيه اطلع وادخل ولا احب جلسه البيت دورات وروحات وجيات الحين الحمدلله على كل حال حتى النفس محسوب ..
حاولت ارح لراقي بس الرقاه تعرفون معتكفين وما يستقبلون كثير هالشهر فجالسه ارقي نفسي والله يشفيني ومرضى المسلمين
الله يجزاكم خير ادعوا لي الله يفرج همي ويشرح صدري اقدر اجلس مع اهلي لعل الله يقبل منكم ولكم بالمثل يارب