اسماء 208
اسماء 208
السلام عليكم ورحمة الله وبركاته
ارويم بارك الله فيك علي التشجيع ويالله همتك معاي خليه انديرو انا حنبداء بالاكل الطرابلسي واللي تعرف اكل من الشرق او الجنوب اتنزله وانضيفهم علي بعض شن رايك ووينك حتي انتي مغطسة والا انا زعمة اللي مغطسة

ام نوفل وفيكي بارك الله ووين هالغيبات معاش شوفناك ان شاء الله الصحة تمام ويحفظلك ربي نوفل وزوجك
والله ان شاء الله وبعونه انحاول انزل اللي نقدر عليه من اكلنا الليبي من حار وحلو ومقبلات لكن المشكلة ماعنديش صور وبارك الله فيك علي عرض المساعدة بخصوص الصور وان شاء الله لما نوصل في الاكلات اللي نزلتيهم قبلي زي الكسكسي والبازين انحاول ان نرفق معاهم الصور
بالنسبة لتحويله لقسم الاطباق الساخنة قوللولي كيف وانا حاضرة
مرة ثانية جزاك الله خير وان شاء الله نتعاونوا كلنا باش انديروا هالملف ويتم بعون الله
والف تحية ليكم:26: :26: :26: :26: :26:
أم هشوووووومي
السلااااام عليكم
يعطيك الصحه ياوخيتي على هالشريبه الفايحه
لكن راك نسيتي الحمص ماكتبتيشي في المقادير متاع شوربة لسان العصفور

سلاااااااااااااام:26:
انيسة
انيسة
السلام عليكم ورحمة الله وبركاته
يسلمو الايادي اسماء عالاكلات الروعة .....مجهود قيم بارك الله فيك

واي مساعدة تفضلي عندي بعض الصور لكن من كاميرا الكمبيوتر مش واضحات كويس لكن

يفوا بالغرض اذا تبي نزلهم مع الاكلات....



:26: :26:
اسماء 208
اسماء 208
السلام عليكم ورحمة الله وبركاته
ام هشومي سلمك ويعطيك الصحة وربي ايخليلك وليدك , وبالنسبة للحمص حطيته داخل الطريقة واكيد كلامك ما تجيش شريبةمن غير حمص وبارك الله فيك
انيسة الله يسلمك ويبارك فيك ونكون ممنونة ليك لو نزلت الصور معاهم باش يكون الموضوع مكتمل لان بعض اكلاتنا صعب تنفهم الا بالصور وجزاك الله خير
وشكرا ليكم علي التشجيع
:26: :26: :26:
لكن ما قلتوليش كيف ننقله الي قسم الاطباق الساخنة شني اندير copy and paste وخلاص
السلام عليكم
اسماء 208
اسماء 208
السلام عليكم ورحمة الله وبركاته
نكمل مع بعض
ضولمة مشكلة( براك)

المقادير1-حبات من الفلفل الحلو ( الرومي) صغير او متوسط الحجم العدد حسب الرغبة يغسل وينظف من محتوياته مع الاحتفاظ براسه للديكور
2-حبات من البطاطس صغيرة الحجم تقشيرها ثم غسلها وافراغها من المحتويات ويراعي ان تكون طرية ليسهل النضج
3-كوسة تغسل وتفرغ من المحتويات مع بشرها قليلا من الخارج ويفضل ان تكون صغيرة الحجم
4- حبات طماطم صغيرة وغير ناضجة وتغسل وتفرغ من المحتويات
5-حزمة بصل اخضر مع بصلة صغيرة فرمها فرم جيد وكذلك البصلة الصغيرة
6-حزمة معدنوس( بقدونس) فرمها فرم جيد
7-م ك سمن او زيت حسب الرغبة+ بهارات( حرارات+ملح+فلفل اسود+فلفل احمر+قليل من البزار)
8-نصف كيلو لحم مقطع قطع صغيرة او لحم مفروم
9- شوية نعناع
10- نصف كوب ارز منقع في ماء دافي مدة 15 دقيقة
11- م اكل معجون طماطم+ طماطم صغيرة ومفرومة ناعم
12- عصير ليمونة
الطريقة : نخلط المقادير كلها مع بعض جيدا وتحشي بها الخضرة ( الفلفل+البطاطا+الكوسة+الطماطم)
طريقة الطهي هناك طريقتان اما علي البخار او وضعها في طاجين تيفال وتغطيتها بورق السليفر جيدا حتي لا يخرج البخار ثم وضعها في فرن درجة حرارته 250م مدة ساعة بعدين نعلي الحرارة الي 350 بعدها نرفع ورق الالومنيوم ونخليها في الفرن حتي تنشف من الماء او نصفيها اذا لازم ذلك
اما ضولمة السلك والسبانخ والملفوف ورق العنب يستعمل نفس الحشوة ولكن بالنسبة لورق لالعنب ينغسل باهي باش تنزال الحموضة امتعه وبعدين ينحشي اصابع اما الملفوف ينحط في ماء مغلي باش يسهل فصلهوبعدين ينحشي اما السبانخ والسلك يتنقع قليلا في ماء ساخن بعدين ينحشي والطهي امتعه يوضع في حلة لا تلتصق او ممكن وضع ورق الالومنيوم علي الحلة وبعدين انصب عليه ماء مذاب فيه شوية طماطم معجون + بهارت وقليلا من السمن للتفويح ونخليها علي نار هادئة مدة ساعة حتي النضج
وتوة السلام عليكم انتظروني باذن الله