السلام عليكم ورحمة الله وبركاته ..
في البدايه احب اوضح ان هذا معرف صديقتي ورفيقتي الله يخليها لي لما شكيت لها اقترحت اني انزل مشكلتي لكم لانكم افدتم بنات كثير في هذا المنتدى ..وانا ذكرت الشي هذا لاني ظروفي كثير تختلف عن ظروف صاحبة المعرف وبذكر هنا كل جوانب مشكلتي عسى توضح الصوره اكثر.
انا يا اخوات متزوجه من قرابه 10 سنين مشكلتي زوجي تغير علي ماعاد فيه التقاء بيننامافيه اي نقاش او حديث بيننا يجي البيت ينااااام الى العصر يتغدا ويطلع وانا والاولادباقي حتى على السفره ولا يرجع الا2 او3 الفجر وينام على هذا الحال يوميا ..اتمنى انه يكلمني يناقشني اوحتى يهاوشني بس مافي فايده كلمته كثير وكتبت له رسايل على الجوال وعلى ورق اذكره بحقوقي من غير فايده مهمل في حقي انا واولادي من كل النواحي حتى من الناحيه الماديه لولا راتبي كان ما ادري اش بيصير لي انا واولادي
شكيت لاهلي وجلس معاه الوالد يقول بجلس معاه جلسه صارمه واذكره باولاده يخاف الله فيهم حتى في العيد ما يعرفهم ولا يطلع معاهم يتعلل بدوامه ولكن دون فائده
صرت اشك ان لزوجي امرأه ثانيه مو معقوله زوجي اللي كان يستشيرني في كل شي صغيره وكبيره صار بهذا الشكل..اصبحت اعاني من فرااااغ عاطفي كبير حتى حقي الشرعي يحرمني منه وما يجي الا بعد فتره طويله..
الشي الثاني يااخوات انا موظفه ومحتاجه جدا للوظيفه رغم وظيفة زوجي المرموقه لكن الله يسامحه معيشنا في قحط وما اقدر اترك الوظيفه وعندي اطفال صغار دون سن الدراسه فاحضرت خادمه مرغمه على ذلك وزوجي كل يومين يداوم يوم واليومين هذي وانا في الدوام طبعا نايم في البيت والشك يودي ويجيب فيني وصرت الاحظ اشياء غريبه على الخادمه اذا شافت زوجي حتى من بعيد تضحك وتتشقق من الفرح والله يا بنات ماقول الا ما اشوف اما زوجي ماشوف عليه شي طبعا زوجي جدا حذر انه يظهر عليه اي شي
والله يابنات محتاجتكم بعد الله ما تدرون الدوامه اللي انا فيها
**حنو** @hno_74
عضوة نشيطة
يلزم عليك تسجيل الدخول أولًا لكتابة تعليق.
القلب الاخضر
•
كان الله في العون اقطعي الشك باليقين .......... خذي اجازه كم يوم
ايودتنا
•
الله يفرج همك الرجال بلوا وجودهم وعدم وجودهم اما الخدامه اذا انتي شاكه فيها سفريها وعيالك دخليهم حضانه اريح لك وزوجك اصبري عليه وادعي ربك يرده لك
استأذني من دوامك على يوم و طبي البيت على غفله
الله يفرج همك يارب
بس جربتي اسلوب الطناش و تتعاملي بالبيت كانه موجود ؟ بمعنى عيشي حياتك انتي و عيالك من دون تقصير بحقوقه و لا تذكرينه لا بحقوقك و لا شي و شوفي يمكن يتغير باسلوبه معاج
الله يفرج همك يارب
بس جربتي اسلوب الطناش و تتعاملي بالبيت كانه موجود ؟ بمعنى عيشي حياتك انتي و عيالك من دون تقصير بحقوقه و لا تذكرينه لا بحقوقك و لا شي و شوفي يمكن يتغير باسلوبه معاج
اختي انتبهي للكلمة ممكن كفر اصغر وانتي ماتدري فالاحسن تقولي لولا الله ثم راتبي
ربي يسخر لك زوجك ويحنن قلبه ادعي اخر الليل وتشوفي التغير في زوجك
حطي رقية العين والحسد وخليها شغاله اربع وعشرين ساعه
وانا عندي ارقيه اذا تبينها
ربي يسخر لك زوجك ويحنن قلبه ادعي اخر الليل وتشوفي التغير في زوجك
حطي رقية العين والحسد وخليها شغاله اربع وعشرين ساعه
وانا عندي ارقيه اذا تبينها
زائرة
•
الله يعينك ويفرج همك
الصفحة الأخيرة