'طريقة الاستحمام الصحيحة .. قالتلي عنها خبيرة تجميل

طريقة حلوه وسهلة وايد وتقدرين تعملينها كل مرة
واحلى ما فيها انها تغسل منك تعب النهار كلة
قالت لي عنها خبيرة تجميل عمرها 40 سنة لكن والله ماعطيتها أكثر من 30 سنة من حلاوه بشرتها .. وعلى فكرة هي خليجية يعني بشرتها مثل بشرتنا كلنا
ماهي لبنانية ولا اروبية لان بشرتهم تجي خلقة روعة

أول شي قالت تدخلين تحت الدش وتخلين الماي يصب على راسك وجسمك لمدة 5 دقائق ويكون الماي دافي مو حار ..... ليش ؟ باقول لكم
اول شي في هذي المدة راح يطري الماي الجلد ويخلي تنظيفة أسهل
ثانيا تحسين بانتعاش وراحة عجيبة كأن هموم الدنيا قاعده تنغسل من صدرك


بعدين تغسلين شعرك بالشامبو الي انتي متعوده علية
وبعدين تغسلين جسمك بالصابون الي انتي تستخدمينة مو مهم أي نوع وتشطفين جسمك كويس عن الصابون

الحين المهم .... تاخذين الليفة المغربية وتفركين جسمك خصوصا الاماكن الخشنة والغامقة من جسمك فرك بسيط مو تهلكين جلدك .
راح يطلع الجلد الميت كلة في الليفة
وتغسلين جسمك مره ثانية بالماء وتنشفينة وتحطين أي كريم إنتي تحبينة

أنا شخصيا احب الجل حق جونسون الي ينحط على الجسم وهو رطب خصوصا الي بريحة الورد
خواتي انا مجربتة و مرتاحة منة وايد واحلى مافية ما احتاج استخدم خلطات ابدا

اختي لو استحميتي استحمام سريع راح ترطبين الجلد الميت و راح ترجعين تثبتينة مرة ثانية على جلدك إذا ما فركتية بالليفة وبعد فترة راح يظهر مثل جفاف وقشور على الجسم

انشاء الله اكون قدمت المفيد
وادعو لي ولعيالي ولبنتي دلوعة البيت ان الله يحفظها ويبارك فيها