صح لسانج الغالية

وأنا صارلي موقف من اللي ذكرنه الخوات

إني أنزل بضاعة في المنتدى محد نزلها قبلي ولا خطر عبال حد ينزلها

وبعدين تبتدي طلبات البنات

بعد يومين أشوفهن اعتذرن لأنه تاجرة ثانية( ويعطوني إسمها ) وفرتها لهم بسعر أرخص وراسلتهم عن طريق الخاص

مع أنها تكون موفرة نفس المنتج لكن جودته أقل بوايد ( عسب جي أرخص ومتأكدةمن هالشي) ..

ومع ذلك ما تخبر البنات هالنقطة

وطبعا هذا بيع على بيع وحرام شرعا لأنهن راسلن البنات اللي كتبن في موضوعي على الخاص
مش انهن نزلن موضوع والزبونات راحن لعندهن

لكني موكلة أمري الله ..وشعاري : كما تدين تدان

واللي تحاول تأذي أي أحد.... مصيرها يوم وبتتعرض لنفس الموقف

عسب جي ما أسويلهن شي والله عزوجل كفيل بهن

والأرزاق بيده وحده سبحانه

الله يهديهن .......

وصح كما تدين تدان.....

ماشاء..الله..عليج..
أختي..رينموف..

والله..كان..بودي..أنااقش..هالموضوع..
بس..ما..كانت..عندي..الجرأة..
ووزين...منج..يوم..فتحتي..السالفة..

والله..أنا..صار..لي..نفس..الموضوع..
أكلم..التااجرة..الله..يستر..عليها..ويهديه..وين..ماكانت..في..السالفة..
وهيه..تكلمني.في..سالفة..ثااانية..
تعاملتي..مع..فلانة..شو..رايج..فيها؟؟
أغراااااضها..وععع..لوعه..جبد..
وكلام..وايد..
حزز..في..خاااطرية..وايد؟؟

حتى..ما..صرت..أحب..أدخل..مواضيع..هالتاجرة..
الله..يهديهاااا...ويهدي..الجميع..
ويستر..على..جميع..خوواتي..المسلمات..

الله يرزق من يشاء بغير حساب

بارك الله فيكن خواتي

أم ريان3

فراولة سويت

fofo2004

على مداخلاتكن الطيبة

------------------------

ختيه توته الحلوه

في الأخير

ما يصح إلا الصحيح

وصدقينيه دامها الوحدة واثقة في شغلها ما عليها من رمسة حد

وعلى قولتج

الحمدلله الوحدة فينا ما عليها قصيرة

بس حابة تشغل وقتها وتفيد عمرها والمجتمع اللي هي فيه

ربي يوفقج ختيه الغالية

ومثل ما يقول المثل

"لا تقذف إلا الشجرة المثمرة"

------------------------

بارك الله فيكن خواتي

honey_lipes

نونو نونو

دلع 14

الرداء الابيض

*أميرة البحر*

ومشكووووورات على تفاعلكن ويا الموضوع

الله يوفقكن ويبارك لكن في حلالكن

والله يهدي الجميع