تعالوا شوفوا اللي صار اليوم بمكتب الاشراف التربوي بالدمام..مهزله

اليوم ياطولات العمر صارت مهزله بكل ماتحمله الكلمة من معنى تقولون لي كيف ؟
اقولكم كيف؟
بعد الاعلان التقديم لبند محو الامية في الدمام والشرقيه عموما يوم امس على العموم اللي ابي اقوله لكم انه وصلت هناك وياليتني مادريت ولارحت اساسا وصلت الساعه 8 بالضبط انا اشوف ولاماشوف الدنيا كلها اسود باسود امة اله الاالله والدنيا زحمه جوا المكتب والاستقبال حقهم وبرا يعني اذا كنت بس بتتحركين على الورا خطوة واحدة يمكن تضيعين فرصه كبيرة في التقدم الى الامام<<<<<حطوا تحت فرصة كبيرة ثلاث خطوط والله حرب تصدقون مو تقديم على وظيفة حكوميه في قطاع حكومي اقولكم مهزله.
والارقام اللي وزعوها مخلصة 290رقم ومخلصه وثلاثة ارباع البنات ماخذو يالله عاد قولو لي متى ذولي كلهم بيقدمون
المهم انا حاولت اتقدم اتقدم ....في النهايه راح الاكسجين وقلت ياروح مابعدك روح اطلع احسن لي ولا يصير لي لاسمح الله شي وساعتين على هذا لحال لاوكل شوي واحدة طايحة غشيانه خلاص دقيت على الرجال وقلت له خلاص مايسوى والله اضيع نفسي، الا شوي ويقولون يالله القاعه اي قاعه؟
طلعت عندهم قاعه كبيرة للاحتفالات والاجتماعات وحاشرين العالم بالشمس؟؟؟؟؟؟؟؟؟؟؟؟؟
وين القاعه من زمام مااقول الاحسبي الله ونعم الوكيل...............
ورحنا وماوصلنا الابعد نص ساعة من الزحمة وفي النهايه قالو ايالله اعطونا ملفاتكم مع كتابة البيانات
والمناطق المرغوبه اللي محددينها هم طبعا وعلى ذ الحال الين الساعة 12ظهرا بعده طلعنت وماادري وش صاااار بعدها لكن عندي عدة اسئله رجاء اي واحدة مسؤله او حتى انسانه عاديه تجاوبني:
1\ليه ماكان التقديم مقسم على مدا اسبوع على حسب التخصصات زي كل المناطق مو يوم واحد؟
2\التقديم عن طريق النت مو عاجبهم الاحساء قدموا بالنت العالم وصلوا القمر واحنا الناس تضارب بعضها علشان وظيفة على البند؟
3\هل يعقل انه هذا اللي صار في دائره حكوميه اين التنظيم والمسؤليه تجاه المواطن واحقيته في تقديم اوراقه<<< فقط لاغير؟
4\ وين الخلل واحدة تحاوبني الله يخليكم
5\ السؤال الاهم هل هناك وظايف ولا محجوزه كالعادة واللي صار لبنات الناس اليوم مسالة شكليه اذا كان كذا مااقول الا حسسسسسسسسسسسسسبي الله ونعم الوكيل وهذي تكفي؟
ابي تفاعل يالبنات مع الموضوع وردود علشان الشئ هذا مايتكرر.