الله يساعد من تساعدني ويسهل لها امرها......................

صباح الخير والسلام عليكم
انا انصحك بصنفرة الليمون والسكر والزيت يوميا و الحف و كمانا الحمام المغربي كل جمعة رح تفيدك على الناحيتين سواء اكانت بياض او ازالة الزيوان
و يا رب تزول تراها تعقد
و على فكرة زين الاتات عندا منتج للزيوان شوفيه وبلكي بينفع معك
اختك حبيبة باسل

للأسف ماعندي اي خلفيه عن هالمشكله بس ماحبيت ادخل ولا ارد

بس جربي الحمام المغربي مثل ماقالت الاخت

يارب الاخوات يفيدونك
كل الود

هلاااااااااا اختي
لا تشيلين هم ولاااشي باذن الله هالمشكلة بتختفي تمااااااااماااا
صحيح مو بسرعة لكن المهم تختفي .... كل اللي مطلوب منك الاستمرااار على الخلطة اللي تعجبك ...
نسخت لك بعض المواضيع ...
كلااااااااام الأخت
الســـــــــــواد الي بين الفخوذ اختفى ( فص ملح وذااااب)
اي واللة وصاااارت قطعة وحدة ( الفخوذ)
بمجرد استخدامي للزيت الفلبيني الاخضر !!!
ومفعولة يبان خلا ل ثلاث ايااااام لاكن انا استمريت اكثر .
وحتى الان مارجع السوااااااااااد وانا لي سته شهور موقفتة

انتهـــــــــــــى ،،،،،

ونسخت لك جزء من كلااااااام وحدة من الاخوااات....
اختكم ماتخاف رحت اخذ حمام على اني توي قبل 3 ايام واخذة حمام مغربي وحطيت الشبة مع الصابون ورب البيت يابنات اني استحيت من نفسي وربي وانتي تحطينه يطلع لك وسخ وانتووو بكرامة يمكن لو جمعتيه حق 10 غسلات

انتهـــــــى ،،،،،،،،،


ونسخت لك بعد جزء من كلام وحدة من الاخوااااااااات...
وصفه التقشيرحلوه وسهلة..ورخيصه..ونتائجها واضحه بعد اول استخدام):

المكونات:
1)بيكنج صودا..BAKING SODA
2)فوطه بيضاء بحجم كف اليد..موجودة فى اى محل للوازم الحمامات من فوط ومناشف..ومفاريك لكن تكون من قماش الفوط ..

الطريقه:
بعد الاستحمام العادى..ونكون متفركين كالعادة بالشاور جيل او صابون عادى..المهم الاستحمام العادى..بعد ماننتهى...والجسم رطب..من غير تنشيف...نحضر الفوطه البيضاء ونبللها..ونضع عليها قليلا من البيكنج صودا ونفرك الجسم كله وبالخصوص المناطق السوداء والدواعيس هههههههههههههههههههههه....تعرفون شنو قصدى ..
والمناطق الحساسه....والركب والابط..والخلفيه..وكل المناطق...والاقدام وحتى كعب القدم...

ممكن تحسون بلسعه لكنها طبيعيه...وبتشوفون الفوطه والله مابتصدقون انكم عمركم اخذتوا دوش...ههههههههههههههههه..ولاحظوا وانتو تتفركون لون الجسم قبل وبعد وبتستغربون جداااااااااااااااااا وبتدعون لى......

بعد ماتخلصون من كل المناطق...على طول نغسل الجسم بماء دافى ...ثم يلحقه ماء بارد جداااا
تتنشفون جيداااا......ثم....زيت اللوز ..نحضره..ومسجى الجسم به جيدا مع حركات دائريه فى كل مكان.....
وتكونون مجهزين بيجاما قطنيه..او تى شرت قطن مع بنطلون قطنى رقيق...ونامواا نوما هنيئا...
لما تصحون ثانى يوم...شوفوا البشرة النظيفه..الزبدة..الافتح...وحاولوا تستخدمون البيكنج صودا مرة فقط فى الاسبوع...ومع كل مرة البشرة افتح والذ الذ الذ...ههههههههههههه

انتهــــــــــــي ،،،،،،،،


ونسخت لك موضوع الاخت انا دريم .... وهذا من اليوم ناوية ابداااا فيه .. شكله رووعة <<< من سالك الحين:42:
انا اليوم بعلمكم عن خلطه (بودره السدر ) حتى توحدون لون بشره الجسم والوجه وتكون صااااافيه تماما من اى بقع ...
انا استخدمتها قبلكم قبل شهور بالتحديد في رمضان لما الجو كان بارد واستخدميتها اسبوعين بس كنت مداومه عليها تعرفون اختكم دريم بالها طويل في هالشغلات بس يشهد رب العالمين ان لون جسمي صار وااااااااااااااحد ولا بقعه رجعتلي لليوم الحمدلله ...
والله يا بنات ان كنت دايما بعد ما اطلع من الحمام اقول في خاطري سبحان الله كل هذا يطلع في السدر معقوله يسحب اللون الداكن للبقعه من داخل طبقات الجلد وتختفي تماما في فتره بسيطه فعلا سبحان الله ...
اعرف يا خواتي انكم ما بتذكرون كلامي الا يوم بتشفون ان اللون الداكن اللي بين الفخوذ الداخليه والمناطق الحساسه بالذات كيف صارت تتفتح عليكم من ثاني استخدام وفوق هذا كله جسمكم بيصير ملمسه ناااااااااااااااااااعم وكلنا نعرف ان اي طبقه على سطح البشره اذا تتجدد لازم يصيبها نوع من الجفاف لكن السدر مستحيل بيسببلج اي نوع من الجفاف اثنا تجدد الطبقات السطحيه لبشره الجسم او الوجه ... جربوا وانتوا احكموا.

مقادير الخلطه :-

3ملاعق كبيره من بودره السدر( بتحصلون بودره السدر عند العطار و المحلات الايرانيه).
2 ملاعق كبيره من بودره اي حليب مجفف مثل نيدو
كوب كبير من الماء متوسط الحراره (لازم يكون الماي دافي وحارشوي عشان المسامات تتفتح وتمتص الخليط )

اخلطواالمقادير مع بعضها لين ما يصير عندكم مزيج شبه سائل مب عجين انتبهوا(مزيج شبه سائل)

وزعوا الخليط السائل على كامل بشره الوجه والجسم لفتره نص ساعه ( تقدرون توقفون جدام المكيف عشان تجف الخلطه بسرعه ) ولما يمر الوقت وولاحظون الخلطه جفت مثل الحنه , ابتدوا فركوا الجسم والوجه بايدكم فقط بدون ماء عشان تتخلصون من الجلد الميت ولما تنتهون اطشطفوا عدل بماي باارد عشان تغلقون المسامات .

اتمنى انك تستفيدن من المواضيع اللي جبتها لك ... واذا تبين زوووووود من عيوني المركبة <<< حلوة كلمة المركبة:22:

حاولي تسوين جدول لك بالخلطااات اللي تعجبك وان شاء الله تستفيدين ...
واهممممممم شي الترطيب بعد الحف ...

تحياااااااااااااا:26: اااااااااااااااااتي

والله ودي افيدج بس والله ما ادري شو اقولج لاني الحمدالله ما استخدم شي .. واحس انه غالب الحريم عدهم اللون الغامج هناك ..

وان شاءالله اتحصلييييين الفايده من خواتي وما بيقصرووووون وياج

مع تحياتي

شنو الزيوان الله يعافيكم ؟؟