بنات الامارات او اللي سافروا لها داخله على الله ثم عليكم.. تفضلو..

اطباق عالم حواء

مراحب بنات كيف حالكم ان شاءلله مبسوطين
كل عام وانتم بخير
بنات وخاصه بنات الامارات او اللي سافرو الامارات
ابي منكم خدمه صغنونه
وان شاءلله تقدرون عليها
زوجي راح لم الامارات ودخل مطعم اسمه بر بحر او بحر وبر
المهم ذاق عندهم شوربه بالربيان والماكولات البحريه وله سنتين مسافر
الله يجزاها خير اللي تجيبلي طريقتها او طريقه مشابهه لطعمها
الله يسخرلها رجلها ويرزقها بالذريه الصالحه
واللي ماتعرف ترفع الموضوع الله يرفع قدرها
20
2K

يلزم عليك تسجيل الدخول أولًا لكتابة تعليق.

تسجيل دخول

سحابة الليل
سحابة الليل
ان شاء الله البنات يفيدوك انا اول مرة اسمع بهذا المطعم

بس حبيت ارفع موضوعك
ريم البشائر
ريم البشائر
مشكوره ياقلبي الله يجزاك خير
ريم البشائر
ريم البشائر
22 زياره ولا وحده ردت على الاقل ارفعو الموضوع
اشتركت عشان تدعولي
نص اصبع زبدة او ثلاث ملاعق زبدة + 3 اكواب حليب بودر مذوب في الماي ( او حليب طازج ) انا مجربة الاثنين وبالبودر تطلع احلى + كوب طحين رقم 1 + 2 مكعب ماجي + فلفل احمر بارد وفلفل اخضر بارد مقطع مربعات صغار + مشروم ( فطر مقطع شرائح ) + ربيان او ثمار البحر مسلوق وجاهز + كمية من الماي + خلاط يدوي ( السلك ) + خضار مشكلة حسب الرغبة

الجدر على النار اتحطين الزبدة وبعدين اتصبين الحليب ولما يسخن اتحطين الطحين بالتدريج واتمين اتحركين الخليط بالخلاط اليدوي ( السلاك ) لما يذوب الطحين عدل انا احيانا يتكور عندي بس اتم اخلط لما يذوب اغلبه وراح اتشوفين انه الخليط بدا يغلظ فصبي اشوي ماي عليه وتمي حركي بالخلاط ... يعني كل ما اتحطين الطحين واتحركين وشفتي انه صار غليظ وايد صبي ماي وتمي حركي ... لما اتخلص كمية الطحين اللي عندج .. وعقبها حطي مكعبين الماجي وغطي الجدر وخليه يطبخ تقريبا 3 دقايق وبعدين شيلي الغطا وحركي الخليط واذا شفيتيه غليظ وايد صبي ماي عليه .... ولا تتذوقينه في هالفترة لانه بيكون طعم الطحين هو الطاغي ............ وردي سكري الجدر وخليه يطبخ 3 دقايق وبعدين حطي الفلفل و المشروم والربيان وخليه يطبخ الحين غطي الجدر ووطي على النار وخليه يطبخ لمدة نص ساعة وعقبها تذوقي الشوربة اذا ناقصنها ملح حطي واذا كانت غليظة وايد زيديها ماي حسب رغبتج .. وفي الاخر عشان لونها يصير شوي برتقالي انا احط شوي من صبغة الطعام البودر الحمرة ... ويوم بتخلصين منها راح تلقين انه شوي من الطحين بيكون لاصق في القاع .. انا شو اسوي .. عقب ما اتخلص الشوربة اصبها في جدر ثاني واخليها تطبخ شوي والربيان والاشياء اللي تكون لاصقة في القاع مع الطحين اشيلها بالملعقة واحطها على الشوربة ................

تقدم الشوربة مع الليمون والسلايس .... وطريقته كالتالي : ييبي شرائح سلايس وادهنيها بالثوم المفروم مع الزبدة وحطيها في الفرن لما تيبس شوي ...

ولا تنسيني من دعاؤج
أم بناتي الحلوات
للرفع