كريم لنعومة وأنبات الشعر 000 وصفه مجربه

السلام عليكم يا أهل المنتدى:)
أكيد فيه كتير واجه نفس مشكلتى شعرى وشعر بناتى مشبينفع معاه أى زيت
جربت زيوت كتير زى حوا الأصلى وغيره من تركيبات
لكن كان الشعر ديما بينشف والنتيجه ضغيفه جدا
مش حطول عليكم 000 على الرغم من أنى زعلانه من كل اللى فالمنتدى لأنكم بخلاء فالرد 000 خلاص خلاص ماتزعلوش الوصفه عباره عن 00

زجاجة زيت ثوم وزجاجة زيت خروع ( العبوات الجهازه من الصيدليه ) وهى عبوات زجاج صغيره
علبة كريم ألو ايفا بالصبار العبوه الكبيره
الطريقه 000
نقصى شويه من علبةالكريم يعنى الربع تقريبا أو أقل شويه
وبعدين ضيفى زيت الخروع وزيت الثوم على علبة الكريم
تكونى مجهزه اناء به ماء مغلى وتضيفى العلبه بداخله ( مع مراعاة عدم دخول الماء داخل العلبه )
وترفعيه شويه عالنار
وبعدين قلبى الكريم والزيت بالملعقه جيدا
ولوحبيتى تضربيه فالكبه الصغيره أوالخلاط ممكن وبعدها تفرغيه تانى فى نفس العلبه وحتلاحظى أن شكل الكريم رجع تانى متجانس بس رائحة الزيت المضاف هى الجديده


وحتى لا تدعوا على الرائحه سيئه جدا جدا وكمان نظافة الخلاط شىء صعب وممل ولازم نعقم الخلاط بعدها ونغليه عشان رائحة الزيوت تروح منه


الأستخدام 000
ندهن فروة الرأس جيدا ( ومعلش نستحمل الرائحه ) يوميا بالليل وياريت فى كل مره نعمل لعبة الكريم حمام مائى عشان الكريم وهو دافىء بتكون النتيجه جيد
ممكن نشطف الشعر عادى فالصباح


النتيجه 000
النتيجه ظهرت مع بناتى من أول مره تانى يوم أخدتهم عند جدتهم وكانت الريحه هدئت
والكل والله علق وسألتهم أنتو شميتوا ريحة الكريم قالوا لا بس البنات بان على شعرهم النعومه
ومع الأستمرار أن شاء الله بينبت شعر جديد ومش بيبقى فيه فراغات فالشعر ان شاء الله


ملحوظه 000 أنا أخترت ألو ايفا بالصبار عشان قوامه تقيل شويه ولما أضيف له الزيت حيبقى زيه زى الكريم العادى


وان شاء الله تكون النتيجه مع اللى يجرب جيده 000 بس خللى بالكم الريحه سيئه جدا:06:


للأمانة مسروق قصدي ملطوش من منتدى عااااااااااااااااااااالم المرأة:p