الفكره حلوه لكن لازم تكونين مستعده لمواجه الصعاب

يعني مثلا الكوافيرة تروح عند واحده تسوي لها حمام مغربي بس لكن تقوم وتشيل لها حلاوة ولا تعلمك تاخذ الفلوس لها

او تسوي فتله او اي شي من وراك

لازم تكلمين الزباين بنفسك وتسألينهم ايش اللي يبونه بالضبط وتطلبين منهم لو بغوا شي اضافي يعلمونك

ولازم تاخذين المبلغ منهم قبل ماتبدأ الشغل

لانه كانت عندي كوافيرة بعد ماتخلص من المكياج والتسريحه يرفضون يدفعون المبلغ كامل مع اني رخيصه لاني كنت في البداية وبهذلوني

والمشكلة الثانية اللي عانيت منها ان الكوافيرة وزعت رقمها وبعدها انحاش حتى تشتغل لحسابها بعد ماكونت لها زباين

والمشكلة الثالثة انها ماكانت تعطين يالمبلغ كامل بهذلتني تقولي سلف سلف لانها كانت ناويه تنحاش

لكن الحمدلله خصمتهم من اخر راتب لهم قبل ماتنحاش لكن المشكله خسرت كل شي

استقدامها وتجهيزها وشغلي في اليت حتى اسوي لها مكان خاص

بعدين فيه ملاحظه مهمه

لو كانت الكوافيرة فيزتها شغاله مافيه مشكله لكن المكتب ممكن يلعب عليك وياخذ مبلغ استقدام موظفه وهو جايبها رخيصه

لكن لو انحاشت وفيزتها كوافيرة ممكن تشتكيك لانك ماوفرتي لها مشغل وخليتيها في البيت

انا كوافيرتي لعب علي المكتب خذي مني مبلغ كبير وجابها بفيزة شغاله يعني طلعت رخيصه عليه

لكن استفدت من هالنقطه انها لما انحاشت اتصلت تبي اوراقها هددتني انها تشكيني فقلت لها انت شغاله بعدها سكرت الخط ولا اتصلت مره ثانية

لانها ماتقدر تشكيني

عانيت والله واتمنى منك قبل ماتبدين بهالخطوة تدرسينها صح

انا قدمتها عن طريق مشغل كانت صاحبته تبي تقدم كوافيرات لها فقلت لها اطلبي لي معك

لكن لازم تكونين واثقه منها لاتاخذ فلوسك وتنكرها بعدين لانك راح تعطينها كفالة بهالشي

ومثل ماقلت لك لازم تدرسين الموضوع زين قبل ماتبدين فيه

ادرسي المخاطر وكيف تواجهينها من البداية

انا عن نفسي افكر بخياطه احسها اهون علي لكن المشكلة فلوسي راحت مع هالكوافيرة حسبي الله عليها دنيا واخره

والله يعوضني خير يارب

شوفي الشغل في البيت احسن الف مره
جيبي بياشيرة شغاله ولازم بعد ماتجي تدربيها
اذا فتحتي مشغل راح يخذ تعبك اجار وكهرب وتراخيص والبلديه تاخذ منك والغرفه التجاريه واقامة الاكوافير اغلى مع التامين والظرائب يعني الكل بياخذ منك فلوس والي يبقى لك طفسه
خلك في البيت احسن وجبي شغاله وفكي عمرك
والله يعوض على كل من فتح مشغل ولا يضيع تعبهم
والله يوفقك اختي

جزاكم الله خير لازلت ابحث عن المزيد

الله يووووووفقك
انصحك تحطي لك غرفه في البيت خاصه فيها زي غرفة السواق
وجهزينها بشكل مبسط يعني الاشياء الضروريه طبعا ع حسب ميزانيتك
وتسوين كروت بالاشغال الي تسويها من سشوار وتشقير حواجب صبغ ورقم جوالك .....الخ
وتوزعينهم ع الحاره مع ملاحظة تخفيض الاسعار لو مبدئيا عشان يصير عليك طلب
وعشان تنشهرين ، وانا افضل انك انت تاخذين دوره في ها الاشياء من مكياج وتشقير وغيره
والراتب الي بتعطينه الكوفيره حلال عليك
والله يبااااااااااااااااارك لك ويسر اموووووووورك
لا تنسين الاستخاره والصدقه بنية تسهيل الرزق