امي تقول انت (خبلة ) فضفضة

السلام عليكم ورحمة الله وبركاته
اغلبكم يعرفوني . انا اللي تزوجت
بعمر 14 سنة من شايب وجلست
4 سنين مخطوبة يعني مادخل علي
الا بعد 4 سنين من الملكة لاني صغيرة
في البداية ماكنت موافقه وكنت ابكي
كنت بنت هادية جدا , وساكته ومجتهده
بالمدرسة وكنت اجيب من الاوائل
حتى تزوجت هالشايب وتدهورمستواي
انجح بس درجاتي نازلة يعني انجح بالدف
كنت اساعد امي بتنظيف البيت وعلى
تربية اخوانى وخواتي , واوقات اختلي
بنفسي خلال الاربع سنوات الملكة
كنت اختلي بنفسي بالحوش او
اقفل على نفسي الباب واصيح
واصيح واصيح الييييين يتخشخش راسي
من البكاء ثم امسح دموعي واطلع
وامي تشوفني وساكته تعرف اني ابكي
عشان زواجي من الشايب , بس مايهمها
وما بيدها شئ , لان ابوي عصبي
وما تقدر عليه , ومره من المرات في ليلة هاديه
كنت جالسه بالحوش انا وخواتي
وجاء ابوي ونظر فيني نظره مريبة
ودخل غرفته الله يرحمه وناداني وجيته
قال همزيني من هنا . قلت يبه قول لامي
قال امك نايمة ابغاك انت تهمزيني
وهمزته وكنت صغيره ما افهم بالتحرش
بس حسيت ان ابوي مو طبيعي
الله يرحمه ويسامحه
ولمسنى من ورا وفق قلبي
وانا جالسه اهمزه قال من هنا ومن هنا
حتى قرب من المنطقه الحساسة
انا للان غبيه مافهمت بس خفت
وبعدين قالي تعالي نامي جنبي
قلت هااااه وفهمت قلت لالالا
وشردت من الغرفه ورحت ابكي عند امي
وسكتت امي ماقالت شئ , قالت أي
هذا سواها مع اختك الكبيرة انتبهي منه وبس
اختي الكبيرة ليست شقيقتى انما اختى من امي فقط
وكنت احذر خواتى من القرب من ابوي
واقولهم لاتدخلون بغرفته
مع ان امي ماحذرتنا منه وهي تعرفه
الله يسامحه ويرحمه
ومن البكره صحى ابوي من النوم وكان منحرج مني
وما يطالع فيني وانا مااناظر فيه ولا ارد عليه
واذا شفته طبعت باب الغرفه بوجهه
وبعد اربع سنوات من الخطبه تزوجت هالشايب
وتوفى ابوي الله يرحمه بعد زواجي بشهر
والله ماانطفت مني دمعه عليه
وانجبت اول مولود لي وانا عمري 19 سنة
وكنت مهتمة فيه كثير ومعتنيه فيه كثير
وما دريت الا امي داخله علي وقالت لي
تصدقين انك خبلة !!! قلت ليش يماااه وش سويت
قالت بس انت خبلة ... قلت انا بنتك يمة وتربيتك وانت
ادرى فيني اذا انا خبله او لا
قالت الا والله انك خبلة (جدتك) تقول انك خبلة
وغريبه انك قايمة بالطفل ما توقعنا منك ان كل هذا يطلع منك
مرررره مهتمة بالطفل حتى جدتك تقول غريبه
والله ما نحسبها كذا تهتم بالطفل
قلنا يمكن تهمله ..
قلت يمه يمكن جدتي قصدها اني صغيره بالسن
ولا اعرف للاطفال مو قصدها
اني خبله وانا بنتك يا يمه وتعرفيني زين
كيف تكذبين نفسك وتصدقين الناس اللي ماعاشوا معنا
وبيني وبينكم كرررررررهت جدتي هذي
وكل شوي تقولي انتي خبلة
ومسكت على هالكلمة درست وجبت اعلى الشهادات
ومازالت امي تقول علي خبلة
الله يسامحها , واذا اشتكيتلها من زوجي قالت احمدي ربك
انت خبلة كل الناس يقولون عنك خبله
وحده مثلي شاطره من يوم كنت صغيرة بالمدرسة وتزوجت شايب وانقذت نفسي وخواتي من التحرش وتحملت مسؤلية اطفال ودرست وجبت اعلى الشهادات واطفالي ناجحين ماشاء الله وامي مازالت تقول عني خبلة
بسس لان جدتي قالت علي اني خبلة جدتي ام امي
وجدتي اصلا ماعاشت معنا
وربي اني كرهت جدتي ولا اسلم عليها ومقاطعتها لانها فرت راس امي علي
واعطت امي فكره عني ان الناس يقولون عني خبله .