اكتشفت سر زوجي !!!!!!!!!!! اش الحل؟؟؟؟؟؟>>قديم

اللي تقرا موضوعي وترد علي لها دعوه مني ان الله يوفقها دنيا واخره ويصلح لها زوجها وذريتها ويرزقها من حيث لا تحتسب .... قولو امين ..
عندي مشكله مع زوجي وهي مشكله مزمنه واتوقع مستعصيه بس يمكن الاقي عندكم الحل , باختصار ..... من يوم تزوجت قبل 9 سنوات الى يومكم هذا ماسمعت اسمي من فم زوجي ابد يعني عمره ما نداني باسمي .... السبب انه قليل الكلام لدرجة اني احس اني جالسه مع صنم مو مع ادمي ..... ثانيا اذا سار بني وبينه حديث ونقاش هذا اذا صار يكون انا اللي افتح الموضوع واتكلم وارد على نفسي واناقش نفسي واضحك مع نفسي وهو ساكت مافي اي تفاعل منه ابد يمكن يقول حرف او حرفين ويسكت مع ان مواضيع مو تافهه او ممله بالعكس وهو اللي يشهد لي باني اكثر منه ذكاء وعقل ونباهه ... يعني مو ناقصني شي عشان يتملل من الجلسه معاي فاتحته بالموضوع وقلتله انت دايم ساكت وانا اللي اتكلم ومافي تفاعل منك بصراحه مليت احس اني عايشه لوحدي لو عايشه لوحدي اصرف على الاقل مافي احد يغثني بطلباته وهو ممل يعني فم ياكل ما يتكلم اش هذا .... تعبت تعرفون اش قالي قال انا كذا معروف عني اني قليل الكلام .... قلت طيب نرضى بالنصيب ...:(...بس بصراحه طلع كذاب .... دايم اسمع اذا دق عليه واحد من اصحابه وقله ابغاك في موضوع ماراح اخذ من وقتك ولا دقيقتين ..يقول زوجي طيب تفضل ... المهم يطول بهم النقاش الى الفجر لان زوجي هو اللي يمطها معاه والا صاحبه خلص من الموضوع .. فيقوم زوجي يفتح معاه مواضيع كثيره وسواليف تجر سواليف وضحك وفي اخر المكالمه يقوله طيب حبيبي في امان الله .:angry2:....اش رايكم هل زوجي يحب اصحابه اكثر مني وحاس بالاكتفاء معهم .....اتمنى اللي تقرا موضوعي ترد علي
ملاحظه:
ما ابغا وحده تقول يمكن مل منك ... بالعكس انا دايم متجدده بلبسي وببيتي واسلوبي في التعامل معاه ودايم حيويه بالبيت وطلباته مجابه وما اجي اطب اسولف معاه ويد ورا ويد قدام لا والله القهوه دايم حاظره لانه يحبها مايستغني عن شربها بعد صلاة المغرب ...........الخ
تحياتي